حابه اطلع الي فقلبي
أنا الحين مالجه من فتره بسيطه وقبل لا امتلك كنت مع علاقه مع ربيع ريلي بسميها غلطة عمري كنت صغيره وابئ أعيش شيء اسمه حب مثل باقي البنات بس للأسف غلطة هالغلطه مع إنسان ما حبني ؤانا اعترف بهالغلطه ؤالشاهد الله أن ندمت وودرت هالأنسان ؤريلي يعرف عن علاقتي ب ربيعه قبل لا أيي يخطبني وعلاقتي مع ربيعه ما عدت التيلفون وكان ف فتره بسيطه والله كلما أتذكر هالشي أكره عمري أقول كيف سلمت قلبي ومشاعري ل إنسان ما يحبني ولا يستأهلني وكان بس يحب يلعب ع البنات ويقصص عليهن المهم هالغلطه أن تبت منها وودرت هالأنسان بعدها بسنه ربيعه جأ وخطبني وملجنا ومدري إذا هذاك الشخص يعرف أن آلي تزوجها ربيعه أنا / الحين ريلي حب يساعد ربيعه ووظفه ف الشركه عنده لأنه عاطل باطل ؤهالشي مخوفني شوي يعني يمكن تقوا علاقتهم وترجع نفس قبل لأنهم كل يوم يشوفون بعض واخاف هالشي ياثر بعلاقتي مع ريلي الحين مدري متخوفه وايد أخاف حب ريلي يقل لأن دوم بيشوفه وبيتذكر غلطتي وياه وفنفس الوقت استحي أسأل ريلي إذا فلان يعرف انك خذيتني أنا / يا رب أبعد عني كل مكروه واسترني بسترك مابي أتطلق ولا تضيع علاقتي مع ريلي بسبت هالشخص إلي صار ماضي وغلطه اعترف فيها واحيانن أقول يمكن أنا غلطت يوم اخترت هالأنسان يكون شريك حياتي واحيانن أقول لا يمكن هو الشخص المناسب لأن يعرف عن ماضيي ويعرف أن معدني نظيف وواثق فيني …
ثاني شي ريلج خطبج و ملج عليج و هو يعرف ماضيج و متاكد انج قطعتي علاقتج بربيعه و يوم بتعيشين وياه بيشوف اخلاقج و بيعرف هالشي كان نوه و بيحن قلبه عليج
لا تشغلين بالج بهالموضوع لانج بتعيشين بتعاسه..خلي الامور طبيعيه و صلي و ادعي و ان شاء الله ربي ما بيخيب رجاج
و مايخصه لو شاف ربيعه بيتذكر او مابيتذكر
هو لو من هالنوع جان ماخذج من الأساس
استغفري واذكري ربج ولا تيلسين توسوسين .. هذا نصيبج والحمدلله
وبعدين ريلج لو يتحسس منه ماكان ساعده ووقف معاه
يدا زوجك يحبك ما يهمه شي الله يديم المحبه لله
انتي الحين تحاتين لان خواته و حريم اخوانه يلبسون نقاب و دلاغات و و و
لا حبيبتي لا تنظرين للموضوع بهالنظره السوداويه ليش ما تتفائلين..يمكن تكون نقله فحياتج و يمكن تلتزمين اكثر فالدين و هالشي حلو مش شي سيء
بس اهم شي اذا بتسوين شي سويه خالص لوجه الله ثم ارضاء لريلج هب لانهم هم يزنون فوق راسه و هو يبى يرضيهم
