زوجي وراعية البنك

اللي صار وصج للحين انا مب مصدقة ومقهوووووووووووووووره حيل :1 (36):

زوجي يمكن يخوني او انا اعتقد او اوسوس ؟؟؟؟؟؟:1 (36):

بس انا اثق فيه انا امسك التليفون اكثر عنه واتكلم اكثر عنه

القصه صار ت اليوم الصبح س 7 الا دقيقتي

قعدت وابي رصيد زوجي نايم سرت خذت تليفونه وانا ما اعرف استخدم السوني اريكسون

طبعا عالشاشه مكتوب CBN( انا قعدت فديتك)
اقول في خاطري متى طرشت له هالمسج .. لا لا لا والف وسواس لي ما بطلت وشفت رقم
حلو … هييييييييييييييييييه في خاطري واتنهد حيل وخذت الرقم واتصلت من رقمي ع طول
واللي رد وحده

فكرت وفكرت ورجعت اتصل واستفسر اكثر قلت لها ااني مغلطه ومن معاي ما رضت تقول

ثواني وطلع من الغرفه ويا الصاله وقف يطالعني :1 (58):

وانا ع طول قلت الرقم وسالته من صاحب هارقم وبعدني ما كملت الا الحبيب زعيج

منو سمحلج اتجيسين موبايلي ومنو قالج تفتحين مسجاتي وتنرفز ودخل داخل
سرت له اقوله قولي من حد من خواتك اربيعك قولي ريحني وهو يصرخ بأي اذن اتجيسين تليفوني
انا ما اجيس تليفونج ابدآ( آه عالاعذار)
قلت له انت تخوني واتكلم علية الخ .. وكان صج يزاعج واقولة غلطان وترفع صوتك
استح ع ويهك وهو يقولي انجلعي وانا اقوله انت انجلع .. وقلت انت غلطان لا تزاعج
حاولت انام ما قدرت وآخر شي قلت انا اراويك ان ما وديت الرقم الشرطه وفضحتكم
وسرت البنك وسويت فضيحه.. لا وغير جذا بفظحه عند اهلها خطافة الريايل ….. الخ

قالي هذه وحده ما بيني وبينها شي غير شغل بس هي تاذيني وتتصل لي وانا اطنشها
ومادري من وينيابت رقمي انا اتعامل معها بالشغل وانتي لا تسوين شي انا بطرش عليها حد يوقفها عند حدها وبلا فضااايح …
هي في فرع وانا في فرع وانا اتعامل معاها بالتليفون بس …
وقلت اصلا هيه اللي فضحة عمرها بس انا اراويها .. وقلت له اتصل جدامي وقولها لو سمحتي لا تتصلين وحطه اسبيكر ما رضى وقالي مب انتي اللي تقوليلي شو اسوي … حاولت انام ما قدرت ورجعت قلت له
حطها في بالك ان خنتني افهمها يعني انا اخونك والله يمهل ولا يهمل .. وبعده يزاعج
قلت له هذه الثقه انا اخبرك كل صغيره وكبيره تصير معاي بالشغل وانت ولا كلمه
(اذكر سالته عندكم بنات قال لا بس وحده عيوز ومره بالغلط قال عندنا… هيه بعد مره قالي معزوم
ورجع شايل كيكه كبيره وااايد وقالي ربيعي مسوين لي حفلة عيد ميلادي .. ) طبعا ربط كالشي فيها والكيكه ومرتين اتصلت ماكان يرد يقولي خط
صبرت دقايق وطلعت اتصلت ابها … وقلت لها ..

كلمتين حطيهم في بالج فلان لا تتصلين به جان انتي عانس ريلي مب للزواج تفهمين وبعدي عنه
والله اني لا اسويلج شي ما استوابج وهي تقولي ارجوج لحظه ارجوج وسكت عنها
قالت والله لو ادري انه متزوج كان ما اتصلت وهو ابد ما قالي انه متزوج وقلت لها عيل شو يقولج
نحن بس بينا صباح الخير ونتواصل بالشغل جان اقولها واطرشين له انا قعدت قديتك انكرت
قالت اما متى وانا ما بغيت اطول معاها
جان تقول والله سامحيني وامسحيها بوجهي وانا اسفه وحقق ع راسي وان شفتي رقمي في جوالة سوي اللي تبينه سامحيني وتسالني اسمك شو وانا ساكته عنها وكسرت خاطري صج .. قالت انا ما ودي اخرب بيت حد
لو خربت بيد حد الله بيطرش حد يخرب بيتي .. قلت لها يا سلام انتي في شغل جذي تسيون
جذي شغلج يقولج تسيون

وبعد التاسف سكرت عنها …
وطلع مره ثانية يسالني كلمتيها شو قالت شو استوى …وطنشت وقلت له ابي اطلع قال ماشي طلعه
لا غلطان الاخ وبعد ما يسكت .. واخر شي حاولت اساله تحبني يقولي هيه احبج قلت شو رايك نطلع نفطر برع رفض
وبعد كلام وغزل يت س 12 طلعنا نتغدا وستاذنت منه وسرت خذت له عطر ورجعت واستانس..

احس اني غلط بلي سويته لو صبرت لو ولو مادري

في اعتقادكم يكلمها او في علاقه ؟؟

انزين ليش مسج انا قعدت فديتك ومخزن اسمها cbn,

بس ليش جذي تسوي وهي في شغلها ؟؟
انا اوسوس ومب قادره افكر او مب مصدقه صج مب مصدقه

عزيزتي .. أنا مرة شفت برنامج موضوعه تقريبا نفس
فكرة موضوعج ، وهو إن الزوجة أو الزوج
يوم يكتشف الطرف الثاني يخونه ، أيـّــاااا كان السبب سواء غلطة
ولا هفوة ولا زلة … يبقى الطرف المخدوع في دوامة شك
وترقّب ما تنتهي …

اتفقي وياه على هالشروط .. قولي له :
أنا ما عندي مانع تلمس موبايلي وتسوي فيه اللي يعيـّـبك ..
في المقابل لازم أنا بعد يكون لي مطلق الحرية في موبايلك ..

أنا دايما أكلمك عن شغلي وما عندي أي أسرار ، في المقابل انته بعد لازم
تخبرني عن شغلك …

والأهم من هذا … لا تتنازلين أبدا عن شي من حقج ..
إذا تنازلتي .. لا تدورين على حل ، لأن ما بيكون في حل !

طوّلت ؟ آسفة … بس في نقطة أخيرة
ادعي دااااايما في صلاتج إن الله يهديه ويبعد عنه
عيال الحرام ، واككككككثري من الاستغفار ..

ادعيلي ..

ولاتسالين لو هو يخونج او لا

لو مايباج جان ردج بيت اهلج يالدبة:@

ويودي ريلج وحاولي تغيرين اسلوبج وياه

واتمنى تنسين اللي صار

الريال مايحب الحرمة اللي كله تذمر وتذكره بالماضي

الله يوفقج وياه ويسهل عليكم ويرزقكم بالذرية الصالحة

مرة ثانية لو صار بج هالموقف فاتمنى ماتسوين شي فيه

بس تمي حاقرتنه وغيري اسلوبج وياه واخرتها هو بييج وبيحس بتانيب الضمير

بس لاتضيجين وتوكلي على رب العالمين

والله يستر عليج اختي

اختج