سؤااااااااال للمتزوجات أو المالجات

السلام عليكم بنااااات….

بغيت اتخبركن عن إذا الوحده يا حد يخطبها تلبس عباه؟؟؟وشو يكون لوكها بالضبط؟؟؟
وشو تسوي اذا يه يشوفها في النظره الشرعيه؟؟؟
اممممممممممم وبعد

عادي تكشخ..؟؟يعني خفيف مابيقولون عن البنت شي؟؟؟

وقوليييييييلنا عن تجربتج.؟؟؟؟…

انا عن تجربتي انخطبت وملجت وطلعت له كاشخة عادي لانه خلاص استوي ريلي يعني حلال اكشخ جدامه!!
بس بما انج خطبة من غير ملجة لبسي عباية حلوة كشخة جية ومكياج وعطورات حلوة

تسلمييين حبيبتي …

اتريا الردود الباجيه…

هلا اختيه ..

بخبرج عن تجربتي

يوم النظره الشرعيه .. طبعا ما كان حد من اهله شافني .. يعني الكل بيشوفوني مره وحده

تعرفين شو سويت

لبست خوار .. وحطيت مكياج خفيف( بودره و شدوا خفييييييييف جدا وكلوز شفاف ) بس
وطبعا لبست شيله وطلعت شويه من قصتي من جدام خخخ .. وتعطرت

وبس هذا اللي سويته

بس اختي بخبرج شي .. عن تجربه ..

لا تمي تسولفين وايد خلج رزينه .. عن نفسي تميت اطالع الأرض من المستحى

يلا الله يوفقج ان شاء الله

تسلميييييييين الغاليه…

أكييييييد مابسوووووولف….زييييييين مني بدش…

اختي كيف يعني؟؟؟ طلعتي قصتج من جدام و طلعتي للريال؟؟

انزين الوحده اللي بتقرا ردج و تسوي شراتج بس ما يستوي نصيب شو تسوي؟؟

كسبت إثم!!!

لصاحبة الموضوع

احسن شي الاحتشام لانه بعده ريال غريب عنج و اجنبي لين ما يصير كل شي رسمي (ملجه)

البسي عباه و شيله و طلعي له مع حد من هلج و لا تسولفين وياه و بس.