عندي سؤال بخصوص الاجازة
ترا انا كملت ست شهور وبغيت اطلع اجازة ..وقبلوا اجازتي والحمدلله
بس على اخر يوم الكل كان مستعيل ومشغول وعندهم اجتماعات برع ، فما حصلت حد اتواصل وياه على اخر يوم ..
الحينة انا ما بجيك ايميلاتي وقت اجازتي ـ فبحط على Auto message على اساس اي حد يطرش ايميل بيطلعله اني مش موجودة
بس ما ادري لازم يتواصلون ويا منو في لحظة غيابي ,, على فكرة انا شغلي مش وايد كبير ..وبنفس الوقت ادري انه محد يبغيني بس بحطه على اساس احتياط …اذا حد طرشلي ايميل ما ابغيه يتريا الرد مني وانا طبعا في الاجازة …
وفي قسمي عندنا بس شخصين اللي هو مديري وواحد يشتغل وياي بس درجته اعلى عن درجتي
مديري يعرف كل شي عن شغلي ..بس الواحد اللي يشتغل وياي مب وايد يعرف عن شغلتي ..بس مرات اخبره …
فالحينة ما عرف احط اسم منو اذا انا ما كنت موجودة ـ لا تقولين اتصلي فيهم او طرشيهم ايميل ـ لاني ما ابغي كل شوي اجيك ايميلي واتريا الرد منهم ابغي استانس باجازتي من باجر ..واخلص هالسالفة ..
وشو اللي لازم اكتبه ؟
اسمحولي بس اول مرة اطلع اجازة ولا اعرف شو السالفة
نتريا رد البقية
في موضوع الاجازت اول شي قبل ما تقدمين عليها لازم ادورين لج backup ولازم يوقع ع ورقه الاجازه دليل موافقته..
لازم حد يسوي شغلج ويستلم ايميلاتج ويرد عليها لو محتاجه رد .. مستحيل الشغل يتم واقف حتى لو مش كبير ..
والمفروض مديرج ما يوافق عليها الا اذا عرف انه الشغل ما بيوقف وفي حد بيسويه في غيابج..
هذا الشي المعروف عن الدوامات والاجازت .. من خلال خبرتي ف الشغل 3 سنوات وشوي ..
عاد اذا انتي اداومين في شركه صغيره يمكن تختلف القوانين والله اعلم ..
والسموحه منج ..
