بصراحة انا اراجع في عيادة خاصة بسبب عدم توافر الظروف المناسبة وتعارضها مع مراجعاتي للمستشفيات الحكومية
صحيح ان الخاصة (مب الكل) يهتمون وايد في الحامل لكن احيانا بشكل مبالغ
اليوم قريت تعليق لاحدى الخوات بخصوص حبوب الكالسيوم وابي اتأكد منكم، وخاصة من الحريم اللي يراجعن في المستشفيات الحكومية
بخصوص الفيتامينات والكالسيوم اللي يعطونكم ياها…
هل تستمر لنهاية الحمل؟؟
لاني للحين اخذ الكالسيوم وانا بشهري التاسع.. لكن هالرد خلاني اخاف شوي فقلت اقطع الشك باليقين
"المفروض توقفوا الكالسيوم من بداية الثامن عشان عظام راس البيبي ما تتجمد وتتسكر منطقة اليافوخ اللي تساعد في ضم راس الجنين عند خروجه وبالتالي تسهل الولادة على الام"
هل هالكلام صحيح؟؟ يعني اللي دخلت الثامن هل الدكتورة وقفت لها وصف حبوب الكالسيوم؟؟
لاني اخذ الكالسيوم من شهري الرابع لين يومكم هذا.. وبالعكس الدكتورة زادت لي الجرعة دبل…
وامسات انا طالعة من مستشفى دبي.. (كنت داخلة الطواري بسبب الحمى) وما شفت الدكتورة سألتني عن اي حبوب وفيتامينات غير الحديد.. يعني بس سألتنني اذا اخذ حديد او لأ.. وقلت لها ايوا.. فهالشي خلاني اشك اني بالفعل يمكن ما احتاج للكالسيوم؟؟
وبديت اوسوس.. ,,,,,,<<<<<<<< وساوس الحوامل 
خبروني برايكم
فوق للافــــــــــــــــــاده
لاني الحين شكيت.. قلت يمكن الخاصة يبون يسوون اي شي عشان تصعب الولادة ويسوون لنا قيصري.. سبحان الله كل شي جايز..
بس احيد ربيعتي كانت تراجع في المكانين.. خاصة وحكومي وكانت تاخذ الكالسيوم للنهاية..
ويقولون هو الكالسيوم للأم لان الطفل ياخذ حاجته من الام فتضعف عظامها عشان جذي دايم تشتكي من عوار الظهر والعظام.. يعني هالكالسيوم تعويض لها عن اللي ينقص بسبب الياهل.. بس مادري لان نمو الطفل اكتمل الحين في التاسع.. فهل اوقف؟؟؟
ومشكورة ع المرور.. في انتظار ردودكم.. واذا محد رد ان شالله بسأل الدكتورة في موعدي الياي وبرد عليكم خبر
وبعد حبوب فيتامينات متنوعة منها الحديد وفوليك أسيد وفيتامين ب وغيره
الشراب اليوم آخر يوم تقريباً هي قالت مرتين باليوم وباجر بتصل بشوف آخذ غيره وإلا شو ؟
بالنسبة للفيتامينات 30 حبة ف 30 يوم
بس أحس من خذيت هالأدوية ارتحت صدق من عوار البطن تحت مرات ايي بس خفيف
والله يعين انشالله ..
المرأة الحامل تحتاج الكالسيوم 1000-1300 mg/dl نفس حاجة المرأة غير الحامل
ويوصف الكالسيوم للحامل كوقاية لها من هشاشة العظام وغيره.. وليس للطفل (لأن الطفل يأخذ حاجته من الأم) بالتالي الام يكون عندها نقص في بعض الفايتامينات والكالسيوم…فيوصي لها بالفايتامينات والكالسيوم والحديد
فالحامل لازم ماتوقف من اخذ الفايتامينات والكالسيوم و الحديد… لأنها أكيد الأكل اللي تاكله مايسد حاجتها من المواد الغذائية اللازمة لها وللبيبي
كمثال: بعض الحوامل ماتشرب حليب ولا الالبان (كالجبن واللبنه و غيره )
فبالتالي بيكون عندها نقص في الفايتامينات والكالسيوم …>>>>فنعطيها ادوية مكملة مثل الكالسيوم والفايتامينات لتعويض النقص..
معلوووووومة حلوة…3 اكواب حليب تعادل حاجة المرأة للكالسيوم …
بس منو بيشرب 3 اكواب حليب؟؟؟؟
