مبروك عيكم الشهر والله يتقبل منكم ان شاء الله
سؤال بالنسبه للخدمه المذكوره في العنوان.. انا اشتركت فيها والحين عندي بريد في امريكا وبريطانيا
لكن السالفه انه مكتوب في الورقه اللي طرشولي اياها ارامكس انه العطور وادوات التجميل والشامبوهات ممنوعه وهذيل اهم شي بالنسبه اللي الصراحه
في احد جرب يشتري عطور وادوات تجميل وعدت السالفه.. يعني هل هي السالفه مجرد تخويف ولا صدق الجمارك عدنا يصادرون الاغراض ؟؟
والسؤال الثاني هل لو شحنت هالاغراض دايركت من البائع للامارات من غير لا تروح على صندوق بريد ارامكس.. تدخل البلاد ولا بعدا يصادرونهن ؟
ويعطيكم العافيه
ان ارمكس يشحن البظاعه عن طريق الجو
والمشكلة مب في الجمارك عدنا
اكثر شركات الطيرات ترفض شحن الكريمات و العطور والمواد السائله
يخافون انها تتأثر فلجو وتكون مواد مشتعله
والله اعلم
و حتى في اوروبا ما رمت يقولون ما يصييير
و ان شاء الله البنات يفييدووونج لاني انا شراتج فجيييت الصندوق عشان كريمات و معقم للايدي وايد احبه … وللاسف طلع ما يصير اشحنه 
بس أنا اطلب مكياج وعادي الحمدلله،، بس المشكلة لو انكسر ولا صار شيء ما بيسوون شيء لأن بيقولون "المكياج ممنوع"
وبالنسبة للتوصيل دايركت،، أنا جربت مرة و من 3 أشهر ما استلمت شيء.. أما اختي يوم تطلب عادي تستلم في خلال أسبوعين
