خواتي اختي مطلقه مرتين وتم اثبات الطلاق في المحكمه
وعدم الصلح بين الطرفين بسبب اصرار البنت على توفير مسكن خاص فيها كزوجه وام عيال
لكن الزوج رفض يوفر السكن بحجة انه مديون ولكنه السبب الرئيسي هو اهله اللي مب مخلينه يطلع وما يبا يزعلهم يعني عادي يبيع حرمته وعياله عشلن يرضي اهله في الشي الغلط
المهم تحول موضوع للمحكمه وعندهم جلسه مع القاضي
وتفاجأت اليوم بإتصال من فرع المحكمه اللي يسكن فيه ريلها بأن التوجيه الاسري طالبين منها تحضر للتفاهم
الحين هي تبا تعرف لو سارت التوجيه الاسري وهي اوريدي اصلا فاتحه ملف ف المحكمه وقضيتها وجلستها قريب
هل الريال يقدر يرجعها ع ذمته بدون رضاها ؟؟؟
يعني الموجه الاسري ما بيقول مطلقنها طلق
ه ثانيه ولازم اذا بغيت ترجعها بشروطها هي ؟
ولا عادي يتلفظ ويقول انا رجعتج ع ذمتي وخلاص ؟؟؟
لان هي حاسه انه هو طالبنها توجيه اسري عشان يردها ع ذمته و يعلقها ويخليها بيت اهلها ويساومها عقب اذا تبين الطلاق تنازلي عن حقوقج
اتمنى الافادة من ذوات الخبره ف الموضوع
يزاكن الله خير
وأمر امتلاك بيت صار جدا صعب ومب سهل مثل قبل
والحمدالله أنه مافيه عيوب ثانية غير ضيق اليد
والله يسهل لها اللي فيه الخير لها ولعيالها
قالتله لو تستأجرلي غرفه بحمام بس ابا ابعد عن المشاكل لا اهلك يغلطون علي ولا انا اغلط عليك
بس هو للاسف يسمع كلام اهله انه لا تطلعلها بيت
حسبي الله عليهم
حسبي الله ع كل من يسعى في خراب بيت انسان مرتاح ف حياته الزوجيه
وان شاءالله ريلها يلين ويتغير مع الايام خل تصبر
وتطنش اهله وماتحتك فيهم لين الله يفرجها وتحاول مب خسرانه
والتوجيه الاسري يحلون المشاكل بعيد عن الطلاق وبرضى الطرفين
شي راجعلها لو تباه او لا
و دامنها تباه و قتها ان تشرط باللي تباه و بيسوي شروطها غصب عنه دامن السالفه فيها محاكم ..
