كيف حالكم ..
بنات انا عندي سؤال .. انا اول حمل لي ولا تستغربون من سؤالي يمكن سخيف بس ابي اعرف ..
انا فالاسبوع السادس عشر يعني فاي شهر الحينه .؟!
وسؤال ثاني ما عليكم كلافه ..
انا ضعيفه اول ما تزوجت وزني 37 ومن حملت صار وزني 40.4 ومب راضي يزيد ..
الكل مستغرب من الضعف حتى الدكتوره مع اني اكل وربي اكل …!!
هل لازم امتن زياده والا عادي .؟!
وشو تنصحوني اسوي واكل اذا محتايه ازيد فالوزن .؟!
نصايحكم الله يخليكم
والله يوفق كل بنت بترد عاسئلتي .. والله يثبت حمل كل حاامل ان شاء الله
وعن الوزن عادي فديتج لا تحاتين
حرمت اخويه يوم تحمل ولاحد يعرف انها حامل ضعيييييفه وكرشتها صغيره
ع حسب جسم الحرمه يمكن انتي من النوع اللي ماتمتنين وايد
والله يسهل عليج يارب
ويرزق كل محرومه
والله يثبتلج
هالموقع ممكن من خلاله تعرفين انتي بأي شهر
https://tickers.baby-gaga.com/pregnancy.php
أما بالنسبة للوزن فاهتمي فقط بنوعية الأكل انه ما يكون كله دهنيات أو توابل
حاولي الاكثار من الخضر والفواكه وانه يكون غذاء متوازن حتى لو مازاد الوزن
لأنه عند بعض الحريم الوزن يزيد بعد الولادة
والله يهون عليج
انا مثلج مايزيد الا بطلعت روووووح ….
حتى كل زياره احصل هوشه من الدكتوره ….
اهم شيء اكل صحي ومنوع
…………….
وعن حملج باي شهر
دامج قلتي ال 16 معناته انتي
بالشهر الــــرابع
والله يسهل على الجميع ….
اذا انتي فالاسبوع 16 يعني انتي اللحين فنص الرابع تقريبا و يبالج لين الاسبوع ال17 و ست ايام عشان تدخلين الشهر الخامس 
انا ضعيفه اول ما تزوجت وزني 37 ومن حملت صار وزني 40.4 ومب راضي يزيد ..
الكل مستغرب من الضعف حتى الدكتوره مع اني اكل وربي اكل …!!
هل لازم امتن زياده والا عادي .؟!
لازم تتغذين عدل و تاكلين فواكه و خضره و خصوصا الحليب و اللبن كل يوم اشربي عالاقل كوب حليب و اجبان و فيتامين سي فالبرتقال و الكيوي وايد اوكي بعد
وشو تنصحوني اسوي واكل اذا محتايه ازيد فالوزن .؟!
مثل مق لتج حبوبه حاولي تشربين حليب كل يوم و كلي اجبان سلطات و فواكه .. و حاول تبتعدين عن اي شي يسبب غازات و هالفتره عادي تحسين بويع فبطنج و ظهرج يعني لا تخافين بيكون غازات و البيبي يكبر … و اهم شي الماي اشربيلج لتر و نص ماي فاليوم يعني غرشه عودهو نص و عالاقل غرشه
والله يثبت حملج
لا تحاتين أول فترة الحرمة ما تزيد،،
من تعدي الشهر الثالث تبدأ تمتن أكثر..
ومب شرط وايد تمتن…
