كيكة جوز الهند
القياسات تكون بكوب ماء الشرب
كوبين طحين ابيض
ثلاث بيضات
ثلث كوب زيت نباتي
وثلث كوب حليب ..( ملعقة ونص حليب نيدو مع ماء)
ثلث كوب سكر
ثلث كوب حليب جوز الهند بودرة
ملعقة بيكنج بودر ملعقة عادية
ملعقه صغيرة فانيليا
الطريقة:
اول شي تخلطين البيكنج بودر مع الطحين وحليب جوز الهند .. كلها جافة
ثاني شي بالخلاط تحطين الزيت والسكر وتقعدين لين ما يستوي لون الخليط ابيض وبعدها تضيفين بيضه وتصبين شوية حليب وتمين شوي وتضيفين البيضه الثانية وتصبين حليب وكذا لين ما تخلصين البيضات والحليب كامل وبعدها ترشين شوية فانيليا وفي وعاء تصبين الخليط السائل فيه وتضيفين الطحين شوي شوي مع الخفق بالمظرب اليدوي لين ما تكمل الكميه وتجهزين صحن الكيك وقبلها تكونين مشغله الفرن من تحت وتصبين الخليط بالصحن وتقعدين نص ساعه او ساعه الا ربع على حسب لين ماتحسين اطراف الكيكه استوت ذهبيه بعدها بتتاكدين ان الكيكه من داخل استوت ترى هالكيكه بسرعه تنتفخ مو معناته الكيكه انتفخت يعني خلاص تشغلينها من فوق لا . تنتظرين لين ما تحسين الطرف استوى ذهبي وبعدها تشغلين فوق وتقعدين عند االفرن عشر دقايق او ربع ساعه بالكثير ترى في بعض الحريم معاهم الفرن شوي مزاجي مرة يسخن بسرعه ومرةى يتاخر وهذا على حسب جو المطبخ وطول ما الكيكه تستوي ما تفتحين الفرن الا اذا تاكدتي ان الكيكه مر عليها وقت كافي عالاقل كملتي النص الساعه
وبعدها تخلينها لين ما تستوي دافيه امسحيها بعسل كامل من فوق ورشي عليها جوز الهند
وردي علي خبر كيف سويتيها
وبالعافيه عليج
للرفـــــــــــــــــــــع
واذا صينية الكيك مضروب الحديد من تحت او مب مستوي ترا هالشي مايساعد الكيكه تنفش
