السلام عليكم ورحمة الله
انا ولدي بيدخل الصف الثاني ابتدائي
يميز الحروف لكن ما يعرف يقرأ … تعبت معاه
ما اعرف شو اسوي له
اول ما نحاول نقرا على طول يقول ما اعرف
اقوله انت تعرف واقرا قدامه
دايما من اول ما يشوف الحرف الاول يخمن شو الكلمة ما يكمل قرايه
ساعدوني
اول شي حاولي تعرفين هو يميز الحروف كلها ولا بعضها اذا ما يعرف الحروف فلازم تبتدين معاه من الحروف كل يوم عطيه حرف وحاولي انه ماينساه ممكن تكتبينه على بطاقة و تلصقينها على التي شيرت او كندورته اللي يلبسها بعدين عطيه قصص او جرايد او مجلات وخليه يدور على الحرف و يحط عليه دائرة وحسسيه انها لعبة حتى مايمل
2 نيي حق المهارات الحركات و المدود و اللام الفمرية و الشمسية شوفي يالغالية حاولي انت خلال متعطينه الحرف انت تركزين على صوت الحرف مش اسمه مثلا حرف الالف علميه ان هذا الحرف اسمه حرف الالف اول ماياخذ الحرف بعدين خلاص لاتركزين على اسمه حاولي تركزين على صوته و نطقه بالحركات و المدود
3خلال ماتن تركزين على تدريبه على نطق وكتابة الحروف اللي ما اتقنها حاولي اذا كان عندت كتاب العربي مال الصف الثاني تعطينه كل يوم جملة قصيرة من دروس القراءة ويتدرب على قراءتها لين تحسين انه اتقن قراءتها بدون مايغلط و مليه اياها يعني الله يسلمت لازم يكون عندت دفتر للاملاء و حاولي تكون الجملة قصيرة وفي البداية تتكون من ثلاث كلمات و اذا شفت انه سار يمشي معات زين زيدي كلمات الجملة ولازم تركزين على انت خلال تدريبه على مهارات اللغة و اول شي تقرين الجملة بدون ما يشوفا و بعدين تقرين و يردد ورات و هو يتبع بعدين حاولي تناقشينه في الجملة و معناها و بعدين مليه الجملة و هذي العملية يوميا و ان شاء الله خلال شهر من التدريب اليومي بيسير لبلب في القراءة
4حاولي بعد مايتحسن ولدت قي القراءة انت تسويله مكتبة من القصص وحاولي انت تحببينه في القراءة منخلال اخذه لمعارض الكتاب و المكتبات وخله يختار القصص اللي يحبها و اذا كان يحب التلفزيون والعاب القيديو حاولي انت تحطين القصص جنبهن و بعدين خصصي وقت للقراءة لت و لكل افراد العائلة لان الطفل بطبعه يحب يقلد فاذا شاف الكل يقرا فهذا بيخليه يقبل على القراءة
هذي هي خبرتي المتواضعة و اللي اتمنى تكون وصلت لت و السموحة بالغالية على التقصير
بارك الله فيك اختي الغاليه
وان شاء الله راح اطبق الي قلتيه
وبخليك معاي على اتصال اذا سمحتي
وفي ميزان حسناتج ان شاء الله
أنا بنتي رايحه ثالث وتعاني من نفس المشكلة
ومشكوره علي الطرح
ومشكوره علي الطرح
لا تخافون وايد عليهم لأن وحده من خواتي كانت نفس الحال لكن يوم راحت صف 3 تحسنت
