خلاص مالك في حياتي بقايا
حبك دفنته وارتحل من حياتي
ما باقي الا من رصاصك شظايا
وسط الحشا خايف يسبب وفاتي
يابنت انا قد ذقت كاس المنايا
منك شربته لين ذابت شفاتي
من سبتك يومك قصدتي جفايا
وحرمتي عيوني لذيذ المباتي
ياللي حرمتيني بعيشي هنايا
ياللي من أجلك صار فكري شتاتي
وبعده تجازيني بذيك السوايا
غدر وخيانه منك هذي جزاتي؟؟؟
ذليتني واشمت فيني عدايا
وانا الذي ما طعت فيك الوشاتي
ياكاسبة فيني ذنوب وخطايا
الله لا يكفيك شر دعواتي
أدعي عليك الله رب البرايا
كانك تعمدتي عناي وشقاتي
إنه يذلك ياخبيث النوايا
ويجعل جميع احباب قلبك عداتي
وتشغلك بالدنيا هموم وبلايا
وتحتار ما تلقى لنفسك سلاتي
وتنسد في وجهك دروب وزوايا
وتضيق بعيونك وساع الفلاتي
وبعده يعجلك سهام المنايا
ويروح عمرك من حياتك فواتي
ولاصاحبٍ عندك يشيل الوصايا
لأنك غدرتيني وخنتي وصاتي
نذر علي لحرمك حتى عزايا
ولا احزن على موتك واهل عبراتي
ووقف على قبرك بوقت الضحايا
وأقول لك يابنت هذي دعاتي
وان خانني دمعي بلحظة بكايا
بسجد..عسى تكفير من سيئاتي
ولجل الغلا الاول وصادق وفايا
بطلب لك الرحمة بتالي صلاتي
رعد بن عبد الله – سجين الهم
نقل راااائع وموفق
تسلمين على الذوق
انتظر كل يديج
دمتِ بكل ود
