انا عندي طفل متاخر في النمو يعني في الكلام والتواصل يعتبر من فئة الاحتياجات الخاصه بس الحمدلله على كل حال
المهم انا ابا اييب خدامه له في نفس الوقت عندي مسؤليات البيت طبخ وتنظيف وعيال غيره المهم
شو تنصحوني اسوي ايب خدامه عاديه يعني الي تكوي وتغسل وتطبخ ولا اييب وحده متخصصه له واذا وحده متخصصه كيف اعرف انها زينه يوم بتتعامل وياه اخاف تضربه ولا شي وهو ما يعرف يعبر بس يصيح ويضرب اذا حد ازعجه
اخاف ايب خدامه عاديه ما تعرف له والمتخصصه من وين ايبها انا متابعه وياه جلسات ويروح مركز بس في البيت يبا حد وياه يكلمه يفهمه ويتابعه
انا اسوي قد ما اقدر لكن عندي مسؤوليات ثانيه ومن كثر ما افكر فيه يضربني احباط واتم اطالعه وافكر يعني بدال ما افهمه اكتئب عشانه
نصحوني شو مواصفات الشغاله الزينه لمثل هذا الطفل
خواتي نصايحكن غاليه وجزاكن الله كل خير
وربي يعطيج العافيه ويصبرج يارب ويعينج في تربيته
عندي طفلين من الحتياجات الخاصه
ويبتلهم خدامه عاديه فلبينيه بس انا رتبت الها وقتها
الصبح لما يكونون نايمي تخلص الغسيل والكوي
وتجهز ريوقهم وادويتهم والعابهم والغرفه الي يقعدون
بس نصيحه لاتعطينها غير الغسيل والكوي وتنظيف بس
لانها مابتلحق
والله حبيبتي انا أم لتوأم ثلاثي وواحد منهم بعد يباله رعايه خاصه لأنه متأخر عن أخوانه فكل شي
يبت خدامه عاديه وعلمتها من اول ما تصحه كله بس تشوف عيالي الأثنين الي صحتهم اوكي ويوم يرقدون الظهر تنظف وتغسل الملابس
وانا مجابله ولدي الي يحتاج رعايه خاصه والطبخ علي بعد
انتي لازم تسويين نظام للبيت وللشغاله عشان تمشي عليه أنا تميت فتره لين ما استقرينا على هالروتين لأنه شفته أنسب شي عشان تمشي الأمور بسهوله
والله يوفقج
شخصيا اشوف احسن اتييبين وحدة متعلمة تعرف القراية والكتابة ومثقفة، تنفعج ويا الادوية وتكون على قدر من الذكاء!
بالنسبة للكلام والتواصل صدقيني الخدامة ما رح تفيد ابنك انت بس بتقدري بتفيدي وبتعلميه لأنه رح يتعلم الكلام منك مو من الفلبينية
اكيد انت عندك مسؤوليات بس حاولي طوال ما انت بالبيت وفاضية تخلي كل وقتك معه والخدامة تشتغل البيت
الله يعينك ويشفي يارب
