ابغي آخذ آيلس في الصيف..ويا ليت لو اتدلوني على
معهد معترف فيه ويكون في عيمان أو الشارجة ( يفضل في عيمان
ويكون معترف فيه وأسعاره معقولة
وأي وحدة ماخذه هالشهادة تقولي معلومات عنها…يعني طريقة الامتحان والكورسات والمعاهد والاسعار…..
بليز ساعدوني
الامتحان استماع وتحدث و كتابة و ردينغ كومبريهينشن .
ركزي انتي بالمذاكرة اكتر شي ع الاستماع والتحدث و الكتابة ..
انا عندي الكتب لو تبيهم راسليني ع الخاص و حياج والله يوفقج
يعني ما لاقيتي صعوبة؟
انج برحج تدربين؟؟
شو بنات؟؟
افيدوني
ومن أول مره … الحمدلله
وعشان اكون صريحه اكثر .. ما ادربت عليه ..
بس دخلت يوتيوب وشفت كيف امتحان الاسبيكنج اللي هو المحادثه هههههههه
وبصراحه هو مب صعب ولا شياته ..
شوفي الايلس عباره عن اربع اقسام ..
أول شي
listening ..
وااااايد سهل وبسييط .. بس لازم تركزين على تهجئة الكلمات ..
انتي ادربي على الاشهر وايام الاسبوع و الاماكن والاتجاهات
والأرقام والترتيب يعني الاول الثاني الثالث وجيه
ثاني شي
reading
بعد سهل .. بس انتي اول شي اقري اول فقره واخر فقره كاااااامله ..
اما الفقرات الثاني اقري السطر الاول ولااخير
يعني اقري من بداية الفقره لييين اول نقطه ..
واذا حسيتي ان في سؤال ما حصلتي اجابته من الاشياء اللي قريتيها
دوري الفقره اللي تخصه واقريها ..
صدقيني بدايات الفقرات هي اللي تقولج عن شو هالفقره تتكلم
بعدين
writing
شوفي عندج
task 1
عباره عن جدول ولا خريطه ولا رسمه ولا مخطط من هالسوالف ..وتكتبين عنهم
task 2
موضوع عام وتكتبين عنه .. عن اي شي
واخيييرا اســهــل شي في الايلس والدنيا وكل شي
speaking
واايد حبيته والله اسهل شييي … يسألونج اسأله واجاوبين عليها
بس انتبهي انج ما ترمسين عربي.. مثلا انتبهي من الكلمات الي دوم تكررينها وانتي ترمسين
وبعد اذا حسيتي انج ما فهمتي السؤال اطلبي انهم يعيدونه .. ولا يبسطون السؤال عليج
يعني قولي اسفه بس مافهمت ممكن توضح اكثر
جيه يعني
ولا تحاولين وايد تتفلسفين يعني تيبين كلمات صعبه ولا طويله ما تنفهم
اهم شي نطقج يكون صح .. و
grammar
يكون صح
ومثل ما ذكرت قبل ترومين تدخلين يوتيوب وتشوفين الفيديوات الخاصه بالايلس
حصلت واااايد فيديوات عن القسم الاخير
امم وها اللي في بالي احينه واذا تذكرت شي اكيييد بخبرج وبضيفه
ياريت كل شي كان واااضح
فدييتج اي استفسار ولا سؤال تراني موجوده وحاظره لعيونج
والله يوفقج ان شاء الله ويكون الامتحان سهل عليج
بس من أي معهد خذتي الشهادة؟
____________________
بس صدق مشكورة وايد استفدت من كلامج..
وترا زدت اشياء في الرد الاولي ههههه كل شويه اذكر شي
ومثل ما قلتلج اذا محتاجه اي شي يخص الايلس خبريني
والله يوفقج
