شو احسن مكاتب الاستشارات الهندسية لتصميم الفلل في العين ؟؟؟

هلا خواتي
استفساري مبين من العنوان
اريد اعرف شو احسن مكتب يصمم تصاميم حلوة من برا ومن داخل للفلل في العين
واذا امكن بعد اريد اعرف احسن مكاتب مقاولات لبناء الفلل في العين؟؟؟

يا ليت اللي تعرف تخبرني او تسال اي حد من اهلها قاعد يبني او بنا وخلص
اتريا ردودكم

ايدي على ايدج وان حصلتي طرشي لي بنج

انا بعرف مهندسه ممكن تساعدك وهي من ابوظبي وممكن ابعتلك رقمها علي الخاص

مرحبا الغاليه حق ارضنا تعاملنا مع الاركال للاستشارات الهندسيه.. خلصنا الخريطه من زمان بس موقفين عشان الارض.. المهم شغلهم ماشالله وايد حلو .. عندهم مهندسه هي و ريلها يشتغلون هناك.. احنا كنا انروح عندها وتفهم علينا بسررعه و ماشالله خططت البيت مثل ما اباه بالظبط.. بس الحين هي حامل ومب موجوده ف المكتب بس ريلها.. انا انصحج اتسوين عندهم.. عندهم موقع فيه صور تصاميمهم واغلب المواقع ايشلون منه صور ومخططات..

وبالنسبه لشركة المقاولات ما عندي فكره الصراحه.. بس اذا حصلتي طرشيلي ع الخاص لين انشالله اتخلص مشكلة الارض و نبني.. عندج اي استفسار طرشيلي ع الخاص لاني ما ادش المنتدي دوم ..

الاركال للاستشارات الهندسيه وااايد تصامييييمها حلوه وا ن شاءالله بسوي بيتنها عندهم

نحن مستقرين على اركال وسرنا وقلنا للمهندس شو متطلباتنا وبعدنا ما سرنا نجوف المخطط اللي بيسويه حقنا
بس بعدنا ما حصلنا مقاول،،

الله يوفق الجميع

مشكورات خواتي
والكثرية مدحولي اركال وغرناطة