.
.
خواتي العزيزات مثل ماهو واضح من العنوان، شو هي نصايحكم الي تخلي الناس
يقولون عن البنية حرمة ومرباية والنعم فيها وفي أهلها ؟ خصوصا في بنات بعض البنات
لـ هذا الجيل ومراهقات يتعلمن ويربن عمارهن على العادات الصحيحة الي تخلي
منظور الناس الها مرباية 
وبعد هالنصايح أكيد بتفيد المقبلات عالزواج
وكيف تتصرف وتكون مثال ( الحرمة السنعة عـ قولة اخواننا الكويتين 
) في بيت أهل ريلها وعند ريلها ؟
{ لا تحرمونا من ردودكم }
ندخل في موضوعنا :
احس الي يلفت نظر الناس وخاصةالحريم لما يشوفون البنت اشوي خجولة ومتدينة اشوي _ عندج لما يدخلون البيوت ايونالبنات يسلمن وما يطولون في اليلسة وسط الحريم وتشوفينها هي الي تغنم القهوة وتجهز السفرة قدام الضيوف مب الشغالة-والي يشوفونها لما تبغي تتكلم ولا تعطي راي اتقول حق امها بعد إذنج اماي-
انا صار موقف عجبني حيل كنا رايحين بيت ناس نعرفهم عندنا في عمان الحرمة عندها 4 بنات ، من يلسنا ودخلوا البنات سلمن علينا وبعدين ما شفناهن احنا رايحين زيارة للأم مب للبنات المهم وبعدين دخلو بنتين يحطن الفوالة وحدة تقدم الحلوى والثانية تغنم علينا القهوة وبعدين طلعن من الميلس ،ولما تاخرت علينا السيارة واذن العشاء الشباب اتصلوا قالوا بنصلي وبعدين بنمر عليكن المهم قلنا بنصلي وما شاء الله امتنا في الصلاة وحدة من البنات
فعلا حسينا انها مربية بناتها صح والام ابد ما امرت على بناتها جدامنا البنات قاموا بالواجب
تلبس لباس محتشم للاسف البنات فرطووو باللباس
اخوي من كم شهر معرس واشترط عالوالده بنت خلوقه ومحتشمه رغم انه مو متدين ذاك التدين بس محافظ عالصلاه
وفعلا البنت خلوقه ومحتشمه والاختيار كان في محله. .
ايضا لازم البنت تكون موزونه وثقيله بكلامها ماتقعد تتطنز او تتكلم بوقاحه بوجود الحريم والضيوف وعلي اساس تعتبره حريه التعبير لااااا غلط غلط
لازم تعرف ان الكبير له احترام وتقدير والصغير له الرحمه والعطف
تتعلم طبخ ثم طبخ ثم طبخ
اخواني كلهم اشترطو حريم يعرفون يطبخون
لازم البنت بنفس الوقت تتعلم تهتم بشكلها ولباسها وزينتها مو تخليها امها جاهله بكل شي
وتكون مثقفه رزينه
والله يان في بنات باول العشرينات وعقول ماشالله
بيلستها و تصرفاتها و رمستها واهم نقطه نحن كل ماحد يدوس لنا ع طرف
نفزع لعمارنا الا كرامتي !! و نرد الشين بالشين و لا نعرف انه نحن نقلل قدر عمارنا
جدامهم ! تصرفي بذكاء لدرجه تخلين الي يسئ لج يستحي على ويهه ولا يفكر يضرج نصيحتي لج يا فطومه اهم شي كتم الغيظ بيرفع قدرج لنفسج و قدام غيرج
و حطي قاعده اني اكون زينه لعمري الي يرضي ربي ف بينعكس هالشي قدام ريلج و اهلج و اهله ،،
غير الطبخ و الاهتمام و المعامله الطيبه و حشمة اللبس الي يعتبر الباكج الخارجي للحرمه اول انطباع شي بنات عناد اهم شي الداخل و قلبي و تربيتي لكن ما نقدر نستثني انه المظهر المحتشم قلب العين من حشمتج تكسبين قلوبهم ، بعدين العيال الي بتوصلين اخلاقج و تربيتج فيهم و بتصرفاتهم ..
اتمنا افدتج لخبرتي القصيرة 
)
المشاركة الأصلية كتبت بواسطة سفيرة دبـي 
بيلستها و تصرفاتها و رمستها واهم نقطه نحن كل ماحد يدوس لنا ع طرف
نفزع لعمارنا الا كرامتي !! و نرد الشين بالشين و لا نعرف انه نحن نقلل قدر عمارنا
جدامهم ! تصرفي بذكاء لدرجه تخلين الي يسئ لج يستحي على ويهه ولا يفكر يضرج نصيحتي لج يا فطومه اهم شي كتم الغيظ بيرفع قدرج لنفسج و قدام غيرج
و حطي قاعده اني اكون زينه لعمري الي يرضي ربي ف بينعكس هالشي قدام ريلج و اهلج و اهله ،،
غير الطبخ و الاهتمام و المعامله الطيبه و حشمة اللبس الي يعتبر الباكج الخارجي للحرمه اول انطباع شي بنات عناد اهم شي الداخل و قلبي و تربيتي لكن ما نقدر نستثني انه المظهر المحتشم قلب العين من حشمتج تكسبين قلوبهم ، بعدين العيال الي بتوصلين اخلاقج و تربيتج فيهم و بتصرفاتهم ..
اتمنا افدتج لخبرتي القصيرة )
ما قصرت سنفورة
وانا معاها فالراي
والبنت تعكس تربيتها بتعاملها مع الناس سوا كان عن طريق الزيارات ولا فمجال عملها لو كانت موظفة
طريقه لبسها وكلامها وتحملها للمسؤوليه
ماتتريا الناس شو يقولون ترى الناس يوم ترمس ويوم تغيير الرمسة …..
تسره إذا نظر
تطيعه إذا أمر
ولا تخالفه في نفسها
ولا ماله بما يكره
عند اهلها واهل ريلها
بـارة: لوالديها
رفيقـة: لاخوانها
معينـة: لأهل زوجها
ولكسب احترام الجميع عليها ان تتحلى بـ
الكلمة الطيبة
الحياء
الحشمة
