مرحبا يابنات
ما عليه استحملوني شوي بس تراني مقهوره من بعض البنات اللي ما عرفن ان عندهن سواد او شعر في جسمهن الا يوم دق الباب الخطيب
ليش جيه بنات
وينكن من زمان عن نفسكن
انتن بنات وعيب عليكن اتظلن بحالة الشعر المنتشر بالجسم بدون ازاله
او السودا الل تحت الابط او المنطقه الحساسه طول هالسنين والحين تبغن حل في اسبوع أو حتى شهر
واللي منتشره الحبوب في ويهها وتقول ما بسير الدكتور وعطوني خلطات
واللي تقول ما ابغي اخبر امي
ليش؟؟؟منو بتحصلين ينصحج ويعلمج أحسن عن أمج أو أختج؟؟؟؟
ليش تتريون على عماركن …هذا جسمكن …يعني اذا ما ياكم الخطيب ؟؟؟؟
خلاص ماشي اهتمام ولا عنايه
والله انا اشوف بنات وايد برع المنتدى صغار ومهتمات في عمارهن
وادخل المنتدى اشوف بنات في الكليات او في سن الدوامات وتشتكي
تناقض غريب الصراحه
بنتي اللي عمرها 15 تموت في البيديكير والمنيكير وتستانس كل شهر تسير تسويلها وتسوي حلاوه تحت الابط تقول احس عمري نظيفه
وتراقب عمرها ظهرت لي حبه هنا …ويهي اليوم ناقع…هاتي لي ماسك وعلاج الهالات(زودتها البنت شافتني مطوله بالي عليها) بس اقول حلو انها تلاحظ عمرها وتهتم بنفسها عشان يكون هالشي عادي عندها وما تهمل نفسها
لازم البنت يكون عندها روتين يومي واسبوعي وشهري تمشي عليه
مب احسن من مجابل اللاب لرقاد والكسل؟؟؟؟
ابغي ردودكن بنات وتفاعلكن أبغي أشوف أنا غلط ومبالغه في تقديري لأهمال البنات نفسهن واللا صدق الشي هذا تحسونه مثلي
الله المستعان
كنت اتخبر وحده من البنات عن صالون يسوي تقشير كامل للجسم
قالت ليش كل هاا بتعرسين
قلتلها لا بس احب اهتم بعمري
قالت والله انتي متفيجه وعقب قالت انا عندي مشاكل وااايد بس يوم اعرس بتعدل
صدق صدمني كلامها
على فكرة شي بنات واايد جيه مايحبن يترتبن ولا يتعدل الا يوم ايي المعرس
وعقب قالت ماشي وقت مايمديني اتعدل الين العرس
دورولي حل في شهر وجيه
ليش الوحده ماتهتم بعمرها من اليوم ومن هاللحظة
اوك عندي سواد في بعض المناطق او شعري خفيف او لوني شاحب ومن هالسوالف
تتعدل عسب عمرها مب الناس
وشكرا
وفي بعض الامهات مايخبرن بناتهم يانهن جاهلات او يستحن ..
انا امي ماعلمتني شي انا من روحي تعلمت اشقا اطلع شعري بالحلاوه واشقى اسوي حمام ا لمغربي وبدكير في البيت لانه مب دوم حد فاضي يوديني الصالون ..
وانتي ما تقصرين بنصايحج لنا ربي يجعل كل كلمة تكتبينها او كل طريقة تحطينها فميزان حسناتج وربي يحفظلج عيالج أشكرج من قلبي عالتنبيه .
