صغير الحجم!

السلام عليكم ورحمة الله وبركاتة

شحالكم وشخباركم يا حريم ان شاء الله ما تشكون باس

بغير أتستفسر أنا حامل وفي بداية الشهر السادس والدكتوره قالتلي أنه الرحم عندي حجمة صغير شوي هل هذا ممكن يسبب ولادة مبكرة ولا لا أنا من الصدمة ما تخبرت الدكتورة وعلى ما أسوي موعد ثاني يبالي وايد يعني حبيت الي مرت في نفس حالتي وكملت شهورها ولا صار لها ولادة مبكرة ياليت تفيدني عادي أتقبل أي خبر

أختكم: ~Eyes Ahmed~

أنا والله قايليلي الرحم عندي حجمه صغير بس بعدني ما حملت

وما أعرف شو الاثار الناتجة عن صغر حجمه

===

بس الأغلبية تكون ولادة قيصرية ؟؟ والا كيف ؟؟

ما عندي علم بهالشئ بس حبيت أدعيلج
أسأل الله العظيم رب العرش العظيم أن يثبت حملج ويتممه على خير ويرزقج الذرية الصالحة المعافية
الله يطمنج حبيبتي
حطي ايدج على بطنج واقري آية الكرسي والمعوذات وادعي

ربي لا تذرني فرداً وأنت خير الوارثين

ربيعتي قالولها نفس الكلام ,, والحمد لله حملة وربت طبيعي وتممت شهرها ,,
الله يقومج بالسلامه

الغالية وكلي أمرج لرب العالمين
وماعليج من كلام الدكاترة, لين حزه الولاده تتغير اشياء وااايد
شيء طبيعي بيكبر الرحم مع تطورات البيبي ويتغير حجمه
بحمالي السابق كانت عندي المشيمة نازله وااايد لين نص الثامن
والدكتورة كانت تقولي يمكن تولدين قيصرية مب طبيعي,, طنشتها
وبعدين قبل لا أدخل التاسع بأسبوع,, البيبي كان راسه فوق والمفروض
يكون ماخذ موقعه والراس ينزل تحت, المهم رحت لزينب وحاست البيبي, وقالت لي امشي وااايد علشان يثبت الراس تحت ,وأسبوع البيبي رجع راسه فوق وأسير لزينب مره ثانيه وتلفه والحمدلله ثبت الراس وتيسرت الامور
مع ان الكل كان يقولي خلاص قيصرية
بس يوم رب العالمين يريد الشيء يصير
توكلي على رب العالمين
والله يسهل عليج وعلينا

الله يعطيج الذرية الصالحة ان شاء الله

ما عرف والله علمي علمج وهذا أول حمل لي ان شاء الله طبيعي بإذن الله