ضروري زيت الخروع حنين البدر

السلام عليكم ورحمة الله وبركاته..

إشحالكم حريمات… إن شالله يخير وعافية …

بغيت اسألكم عن زيت الخروع ولو سمحتوا ردوا علي ضروري ..

أختي لازم تولد اليوم أو باجر… هي ما فيها آلالام ولادة لكن الياهل بيتضرر إذا ما ولدت .. وهم كانوا بيولدونها البارح لكن هي طلعت بمسؤليتها على أساس اليوم بتروح لكن هي ميتة من الخوف لأنهم قالولها إذا ما يتج الألام أحنا لازم نولدج بعملية … فهي تبا تشرب زيت الخروع … بس مو عارفة المدة إلي بتاخذها عسب تولد….

فلو سمحتوا إذا تعرف تقولي تقريبا جم بتاخذ لين تولد

ومشكورين يزاكم الله خير

حبيبتي شو في زيت الخروع مايحمي الطلق زيت الخروع ايبلج مغص انتمب ناقصتنه في وقت الولاده ويسويلج اسهال

انا مجربتنه وندمت لما خذته الحريم يتحرون المغص هذا انقباضات هاي مب انقباضات
الي يسويها الزيت امهاتنا ايقولولنا اشربو واشربو بس صدقيني ايتعب على الفاضي

خليها تشرب حبه الحمره اوزغتر او حليب بزعفران

والله بيسهل عليها وتمشي قد ماتقدر

الي اعرفه انه زين الخروع زين ..

انا خذيته يوم ربيت في بنتي

بس الصراحه كانت اصلا فيني آآلام ولاده وخذيته فسرع الولاده ولله الحمد

الله يسهل على اختج خليها تمشي وااايد وتاكل بيض وتمر ..

تسلمين يا شوق القلوب… ما قصرتي … بقولها وإن شالله خير …

بس تدرين .. بنت عمي ما كان فيها ويع ولما شربت زيت الخروع صارت عندها آلالام ولادة ومن عقبها بساعة قليلة ولدت بتسهيل من رب العالمين ..

مشكورة الغالية … انا بعد سمعت عن التمر …

كان هذا وقتها اصلااااااااااااا الويع الي ايسويه زيت الخروع مغص واسهال ويبهدلج في غرفة الولاده

وخاصه ان اكثر الحريم يشربونه بعد احساسهم بالويع يعني مب قبل وسبب لج انقباضات

يعني اصلا فيج ويع ورحتي زدتيه من غير داعي اما لو شربتي في وقت مب وقت ولادتج بتحسين بمغص واسهال وبس

ابدا ما انصحها بالزيت .. بيتعبها وايد عن تجربه والله شربته بولادتين وما ربيت إلا يوم كملت شهري .. بس تعبني على الفاضي .. وبولدي الثالث ماشربت الحمدلله.. تخيلي انا بولدي الثاني والثالث عطوني طلق صناعي .. والحمدلله ربيت طبيعي وبولدي الاول ما عطوني طلق صناعي بس والله حسيت انه روحي بتطلع من الطلق.. وربج سهلها