طالبات جامعة الجزيرة ممكن نتناقش ونستفيد ؟؟

السلام عليكم ..

انا كنت مسجله بس للاسف لظروف مارمت ادخل السمستر 1 و2 بس حالياً سجلت صيفي سمر 1 وسمر 2 .. وان شاء الله الله يتمم لي على خير هالمره وادرس ..

ياريت تفيديوني شو المواد اللي درستوها ؟؟

هل الدكاترة زينين او متحيزين ؟؟

الكتب الدراسية هل طالعة من الجامعة او يايبينها من جامعة ثانية .. وممكن اعرف من اي جامعة ؟؟

شو طلبوا منكم بحوث يوم دخلتوا .. يعني عشان الواحد يجهز للموضوع ؟؟

شو احلى مادة درستوها …؟؟

شو رايكم في الكلية ككل ؟؟

انا سجلت 4 مواد لسمسترين

يالله يابنات ساعدونا عشان يصير عدد البنات اكثر ويصير في الكلاس اكثر من 10 او 20 بنت ..

اختكم

الغالية انا ابا اسجل بس انا اداوم ما ادري اذا في فترت مساء ولا

وانتي اي فترى صباحي ولا مسائي

هلا حبيبتي انا ادرس في الجامعه

ياريت تفيديوني شو المواد اللي درستوها ؟؟

الكورس الي طاف خذت 4 مواد : مهارات الاتصال بالعربي – مهارات الاتصال بالانجليزي 1 – مبادئ اداره – ثقافه اسلاميه
هالكورس خذت مدخل الفقه – الوعي الصحي – مهارات الاتصال بالانجليزي 2 – it

هل الدكاترة زينين او متحيزين ؟؟

بالعكس انا اشوفهم كلهم اوكيه الي درسوني طبعاً وويسوون لنا ملخصات ويساعدونا الكورس الي طاف ساعدونا اكثر .. هالكورس مشددين اكثر

الكتب الدراسية هل طالعة من الجامعة او يايبينها من جامعة ثانية .. وممكن اعرف من اي جامعة ؟؟

شو طلبوا منكم بحوث يوم دخلتوا .. يعني عشان الواحد يجهز للموضوع ؟؟

على حسب الدكتور وتوزيعه للدرجات انا من اول ما دخلت الجامعه بس سويت بحثين : الثقافه الاسلاميه و مادة الاتصال بالعربي
وبرزنتيشن بس سويت حق مهارات الاتصال بالانجليزي

شو احلى مادة درستوها …؟؟
اممم انا حبيت مبادئ الاداره والوعي الصحي
مبادئ الاداره لان الدكتور ما يحاسب عالحضور واايد وطيب والكلاس وايد حشره وبعد استفدت منها وايد خاصة لو شغلج اداري
الوعي الصحي لان الدكتور واايد اوكي شرحه والماده واااايد سهله

شو رايكم في الكلية ككل ؟؟

حلوه واحسن عن غيرنا واحلا ما فيها انج ترتبين جدولج مثل ما تبين يعني انا كنت ابي اقلل الايام خذت 4 مواد وخليتهم على يومين الاحد والثلاثاء
يعني اداوم الجامعه بس في هاليومين والدراسه اتكون من 3 لين 8 ونص وااايد احسن واريح خاصة لو بيتج ابعيد عن الجامعه واداومين وبعد الدكاتره بشكل عام زينين والامتحانات مب صعبه وايد
الي مب حلو في الجامعه ان مافيها كافتيريا ولا مكان خاص حق البنات يلسون فيه لو عندهم بريك
والجامعه اصغيره والشباب فيها اكثر عن البنات وفي منهم وااايد غلس خاصة هالكورس بلوتوث وترقيم بصوت عالي هالاشياء عادي لازم تستحملينها يعني انا مستحيل لو تأخرت 10 دقايق عن الكلاس وادخل بروحي واايد استحي
وبعد الدفع احس كل سنه بيزيدون عكيفهم يعني قبل ورقة لمن يهمه الامر حق الدوام بـ 30 وفي كل الجامعات الخاصه ها سعرهم الحين خلوها 60 درهم اتخيلي

وقبل قالوا في خصم 10% للي يداومون وبنسهل الدفع عليكم اهم شي وقت الامتحانات اتكونون امكملين المبلغ

الحين لا قبل ما يبدأ الكورس لازم اتكونين دافعه 60 % من رسوم الكورس وعقب اتنزلين مواد

ومواد الصيفي ما عليها خصم 10% !!!

والحين نحنا لو نبي انزل صيفي لازم اتكونين دافعه رسوم دراستج لهالكورس كامله و والصيفي بعد تدفعينه كااامل

بشكل عام الدراسه ونظامها اوكي بس رسوم الجامعه وطريقة الدفع واجواء الجامعه ومكانها وايد صغير هذا الي مب حلو فيها

وياااج حق
الشباااب وااايد يلعوزوون بس نطنش شو نسوي بعد
ورسووم الدفع
لو ما تروومين تدفعين للصيفي كله
كلمي استاذ اسامه
بيخليج تدفعيين نص رسوم الصيفي بس قبل ما يبدأ الصيفي تكونين مكمله المبلغ
لأن ربيعاتي جييه سووا
عني انا دفعته كله لأني ما كنت ادري خخ
بايو

في انتظارج اختي …

علينا وعليج وعلى جميع امة محمد

اول شي اشكرج على ردج … وان شاء الله تتوفقين والله يبعد عنج عيال الحرام ..

ثاني شيء الله يكثر البنات ونرتاح

الغالية عندي استفسار وطلب ..

الاستفسار … شو بخصوص الكتب هل هي من وضع المدرسين نفسهم ام من خارج الجامعة يعني من جامعة ثانية ..

طلبي يالغالية ياريت لو احصل على اسئلة الامتحانات اللي امتحنتيها اذا موجودة واسماء المدرسين اللي درسوج ؟

مشكورة حبيبتي مقدماً