طريقة اللحم

ضروري حق اليوم
شارية لحم وابغي اسويه حق الغدا اليوم ممكن تعطوني وصفات سهلة وبسيطة اسوي بها اللحم مثل اللحم بالفرن او ناشف او صالونة او مشوي لاني في حياتي ماطبخت لحم

شو تبين تسوين فخاطرج …صالونه لحم ام ناشف

اوكي بقولج صالونة لحم ويا البطاط : اول شي نقول

بسم الله على بركة لله وماشاء الله ولا حول ولا قوة الا بالله

الطريقة : اللحم اول شي غسليه عقب شي حطيه على الغاز لين يفور ويستوي عقب جي

قصي البصل 2 بصل + ثوم + طماطم + معجون طماط + لبن "عيران"

اول شي حطي البصل في القدر لين يصير لونه ذهبي عقب جي حطي الثوم وحيسيه عقب جي حطي خاشوقة خل صغيرة وحطي معجون الطماطم

ثاني شي حطي الطماطم وحطي ماي اللحم على الصالونه وحطي كركم خاشوقة ونصف خاشوقة بزار و حطي لومي يابس حبة
عقب جي خلي الصالونه على نار متوسطة عقب جي قصي البطاط على اشكال مكعبات وغسليها وحطيها على الصالونه عقب جب خلي الصالونه على نار هادية لين تستوي البطاط .

ثالث شي ييبي اللبن وحطي على الصالونه مقدار بس نصف كوب وعقب جي لمدة 2 دقيقة وسكري عن الصالونه

ولازم تسوين عيش شيلاني " ابيض"

وبالعافية الغالية ولو تبين شي خبريني

مشكورة al danah uae
عندج وصفة ثانية مثلا اذا حبيت احط فالفرن او اسوي مشوي

مرحبا ياأختي .. انتي ماقلتي من اي جزء من الخروف شارية . اقولك وصفة الفرن سواء جزء من الظهر او اليد هذول حلوات بالفرن.. اذا كانت اللحمة في الفريزر تطلعينها بوقت .واذا كانت طازجة افضل . تغسل اللحمة ونحطها في قدر الضغط او قدر عادي .. نحط ماى مو كثير عشان تشرب الماى وما يررروح الطعم بالماى الكثير … نحط بصل وحبات من الهيل ورق غار .. ونشعل النار .. اذا بقدر ضغط شوفي اللحمة بعد ربع ساعة واذا بقدر عادي بعد نص ساعة طبعا على حسب نوع اللحمة وعمرها كبيرة تبي طبخ واااجد صغير لا . وبعدين حطي الملح والبهار ,, وخليهم فترة , وجيبي سكين وغزي فيها اللحمة اذا دخلت السكين بسهووولة اللحمة استوت واذا لا يبيلها طبخ … ياليت مايبقى بالقدر ماى عشان الطعم يكون مركز في اللحمة .. ناخذ اللحمة ونحطها في صينية تيفال وندهنها بالزيت واذا حبيتي تحطين لون اصفر براحتك , ونغطيها بالقصدير ونشغل الفرن من تحت ولما تتحمر من تحت نوخر عنها القصدير ونشغل الفرن من فوووق ونتركها ليما تشقررر .. وهنئ وعافية

لحم بدون عظم مقطع مكعبات صغيرة بحجم الظفر
خضروات مشكلة مثلجة
بصل مفروم ناعم
طماطم مكعبات

معجون ثوم او زنجبيل او الاثنيين معا حسب الرغبة بمقدار ربع الى ملعقة حسب الذوق
بهارات ( النوع حسب الرغبة كلها ربع ملعقة شاي ناعمة ومطحونة كزبرة وكمون حب وكركم ورشة او رشتين من الجرفة والهيل والمسمار وفلفل احمر بودر بارد وفلفل اسود وومكن رشة بزار او مايحتاي بزار )

اولا فوري اللحم مع ملح بهارات حسب الرغبة عسب الطعم نفس البهارات المذكورة بس ممكن تحطين بهارات صحيحة مب ناعم لين ماينضج اللحم ويخلص الماء ويتبخر كله

ثانيا شوحي البصل دقايق ثم ضيفي الثوم او الزنجبيل او الاثنيين معا بالزيت ودقايق ضيفي مكعبات اللحم مع البهارات الناعمة وبعد مايذبل البصل وتخلطين البهار معاه ويتغطى اللحم بالبهار ضيفي الطماطم المكعبات واخلطيهم وخليه شوي لين مايذبل الطماطم وممكن تغطين الاناء حتى يذبل الطماطم وبعد ماتذبل الطماطم والخضروات المشكلة المثلجة وحمسيهم شوية وضيفي ملح وبعدها ضيفي شوية ماي عسب تنضج الخضراء اذا كانت من النوع الجامد اما اذا كانت لينة مايحتاي بس تحميسة وطفي النار
فوري العيش عادي حطي طبقة رز مع طبقة الحمسة ثم طبقة رز وخليه يتسكر وبعدها عند التقديم خلطي الارز وقلبيه مع بعض وقدميه في طبق التقديم وبالعافية

ما شاء الله الخوات ما قصرن
ما شاء الله كل وصفة أحلى من الثانية
يعطيكن العافية
ومنكن نستفيد ^_^