طريقة طبيعية لإزالة شعر الوجة بدون صالون

أنتوا عارفين أن صالونه تضطر تحط أيدها على الويه ويهي تشيل سواء بخيط او شمع وبتالي تلتهب وجوهنا وتقب من الحب هذا غير العوار
عندي طريقة تسوينها أنتي بالبيت وتعقمين ايدج والوسائل ألي راح تستخدمينها

إليكي الطريقة :

أولا -احضري اي نوع عسل متوفر عندك

ثانيا-ماء ورد
ثالثا- ورقa4 المستخدم للكمبيوتر ويفضل يكون ابيض ليبان الشعر لما يطلع
اول شيء تقصين الورق مربعات متوسطة الحجم
ثم تاخدين قطنه وتمسحين وجهك بماء الورد
و بعدها تاخدين باصابعك عسل و تضعينة على وجهك بمساج لكن لا تضعينة على عيونك ولا حواجبك
بعد ذلك خدي الورق ورصيه على وجهك … طبعا اول طبقة وثاني طبقة من الورق ماراح يطلع معك شعر الا خفيف

وبعد كذا بينشال معك …
هذة الطريقة طبيعيه ومغدية للبشره وماتحسس
بعد ماتنتهين من نزع الشعر امسحي وجهك مره ثانيه بماء الورد وبعدها اصنعي خليط مكون من ملعقتين زيت زيتون وملعقة نشاء وادهني وجهك فيه .

ملاحظه
بنات أهم شي تكوني غاسله ايدج عدل لان البشره عند نزع الشعر يفتح مسامها وتكون عرضة للبكتيريا وبالتالي تطلع حبوب عقمي ايدج والA4 يكون طالع من كيسه مب معقوق في الدرج وفيه وسخ ولاتراب ولاتنسون ماي الورد ظروري عشان يسكر مسام البشره

مشكوره اختي وانشاء الله بجربها

شكلهأ حلوه الطريقه بس الورقه ما بتتقطع

بجبرب وبخبرككم بالنتيجه

اللي تجرب يالييت تفيدنا

ورق الـ a4 قويه ما احس بتتقطع

والله فكرة حلوة بجربها ان شاء الله

بنات أهم شي تكونين غاسله ايدج عدل لان البشره عند نزع الشعر يفتح مسامها وتكون عرضة للبكتيريا وبالتالي تطلع حبوب عقمي ايدج والA4 يكون طالع من كيسه مب معقوق في الدرج وفيه وسخ ولاتراب ولاتنسون ماي الورد ظروري عشان يسكر مسام البشره