طريقتي باذن الله في حفظ القرأن .منو تبدأ معااااي .!!!!! عشان الله يكون راضي علينا!

بعد التحيه والصلاة على النبي صلى الله عليه وسلم سأتطرق للموضوع اللي قاعد يحوس في فكري…

بنات أنا حابه أني أبدا في حفظ أيات الله تعالى ….. والله يا بنات كنت بالسياره راجعه من الدوام وحطيت على ما اعتقد على راديو نور دبي وفي برنامج الاخ الشيخ الفضيل ما اعرف شو اسمه صراحه بس اللي يعلم الاطفال والكبار على الترتيل الصحيح في قراءة تلاوة سبحانه عز وجل..
المهم .. اتصل واحد عمره 13 سنه وقاله الشيخ يللا يا فلان شو راح تسمعنا قاله جزء من سورة كذا… قاله تفضل وعقب ما سمعه قاله ما شاء الله عليك بالنسبه لعمرك جيد قرائتك بس تحتاج الى جهد اكثر لتكون قرائتك صحيحه ان شاء الله.. وسأله الشيخ كم جزء حافظ ؟؟ قاله الولد ثلاااااااث أجزااااء!!! قلت في خاطري ما شاء الله عليه في هالسن و ثلاث اجزاء. وانا !!!! .. تدرون شو قاله الشيخ!!!
قاله ثلاث اجزاء شوي بالنسبه لسنك لازم اتكون حافظ القران… لان التعليم والحفظ من سبع سنوات!!!!!
هني أنا استحيت على ويهي يعني 22 سنه ولي الحين حتى جزء عم ما حافظتنه عدل!!! يعني والله شي غريب نسمع الاغاني صم ونحفظ اجزاء من المسلسلات والبرامج بس عند القران!!! ولا طشه …. طبعا مو الكل في بنات ما شاء الله عليهم حافظينه كله وفي اللي حافظ جزء و اجزاء… الله يوفقهم في الدارين يا رب….المهم.. قررت اني احفظ القران الكريم … كيف؟؟؟ بخبركم طريقتي ان شاء الله..

في جزء عم تقريبا كل الايات اللي فيها درسناها وحفظناها ونسيناها وما نتذكر الا القليل … فراح أبدأ بحفظ ومراجعة جزء عم صمممممم وبعدها أبدأ في جزء تبارك والى ….. … اول جزء ان شاء الله…
لاني أحس اني لو بديت وحفظت جزء عم صم …. بتشجع اني ابدا بحفظ جزء تبارك والى اخره…
وانا الحمد الله فيه حماااااس ومتشجعه واااايد… بس اذا قص على الشيطان أعوذ بالله منه بعدين… ووقفت لا سمح الله على الاقل بكون حافظه جزء او جزئين او ثلاث لانهم سهلين باذن الله… وارجع اكمل بعدين….ولا اني اطلع بدون شي..

هاااااااااااااااااااااااا
شورايكم يا حبايبي…. منو تبدأ معاي !!!!
عشان نشجع بعض ….اكثر واكثر…. لنيل رضا الله تعالى والجنه…

اترياااااا ردودكم…

آميـــــــــن