أنا في دبي
أتمنى تساعدوني بإيجاد مكان هذا الدواء لأن بحثت عنه على مستوى الخليج وشمال أفريقيه والهند أيضا وماحصلته
حتى مركز التوحد بدبي سألتهم وقالوا بنرد لج خبر ولين الحينه محد رد علي
إسم الدواء DMG و TMG
قالوا لي تحصلينه بمراكز الأغذيه الصحيه GNC و KIRKMAN وبعد ماحصلته
انا مابي صدقه أنا أبا أشتريه من أي مكان حتى لو أحصل البديل له
الله يرزقكم الجنه ساعدوني
راسلوني ع الخاص اللي يقدر يساعدني
وربي يعافي ولدج وجميع المسلمين
وأتمنى فعلا حد يساعدني أو يدلني على المكان ومشكورة أختي والله يسمع منج
المفروض الدكاترهـ اللي ف المستشفى يطلبولج الدوا حتى اذا مب موجود ف البلاد ..
واذا ما حصلتي تجواب منهمـ سيري الوزارهـ وهي بتطلبلج الدوا ^^ ..
الله يشفي ولدج ويحسن حالتهـ انشاللهـ .. اختي اهم شي تقرين عن المرض لان حالهـ كل طفل تختلف عن الثاني .. وصدقيني ع كثر ما الدكاترهـ بيشخصون حالتهـ محد بيعرف لهـ كثرج لانج انتي اللي تشوفينهـ 24 ساعهـ ف تلاحظين كل الامور اللي تتغير عليهـ ..
اختي لازم تحطين ف بالج ان الدوا مب العلاج الاكيد !! وان استجابهـ كل طفل مختلفهـ عن غيرهـ ..
انصحج تقرين عن المرض .. واسألي الدكاترهـ عن العلاج اللي يعتمد ع تغير النظام الغذائي وكل شي ^^ ..
خلي ايمانج باللهـ كبير وتأكدي انهـ قادر ع كل شي ..
ادعيلهـ وبندعيلهـ وربي يعافيهـ انشالله ^^
فديتج انا ولد اخوي عنده التوحد بس بشكل خفيف ان شاء الله ,, بس ما قالوا والله ان علاجه دواء علاجه انه ينحط في مركز خاص ومدرسين خاصيين اما الدواء الصراحة انا اول مرة اعرف عن السالفة .. عموما لو حصلتي خبرينا عنها اكثر ,, والله يوفقج وييسر لج الخير ان شاء الله دنيا واخره
@ اختكم في الله @
ام ناصر 
انا راح اشوف عندنا وارد لك خبر ان شاء الله
فحاولي تدخلين ملفات الخوات المغتربات بالدول الأوربية في الملتقى الاجتماعي واسإليهم يمكن يقدرون يساعدونج
