أبغي أسألكم عن مدرسة المنار النموذجية الاعداديه بالشارجه الغافيه كمن سؤال…وجاوبوني بليز ابغي اسجل البنت هناك وماعندنا حد نسأله ونسمع عنها انها شديدة ومدرسات الطيبات اغلبيتهن أنتقلوا والله اعلم
بس نحنا أتصلنا في المدرسة وقالوا بعده التسجيل وشي امتحان …..بس بليز إلي تعرف حد يدرس هناك ترد على موضوع وتجاوب على الأسئلة…
المدرسات هناك أوكيه وخصوصا مدرسات اللغه الانجليزية؟..لأنه البنت ضعيفة جدا وكل ما انقلها تطلع المدرسه كلش ما توصل المعلومات والسنين تمر وهي كل مدرسه على حظها تطلع وحدة ماتوصل المعلومات قاعدين انخسر عالفاضي لين الحينه اتخيلو تطلع من المدرسه ومب عارفة انجليزي ولا شي عالفاضي خاص
والحينه فكرنا بالنموذجيه لانها ارخص
ياريت الرد شو رايكم بالمدرسات حاليا 2024 و2016 وشو الادارة
شو اكلهم سمعت بوفيه يعني كم تدفع فيه باليوم .. ولا هو نظام سنوي ياخذون بيزات الاكل بعد وشو اكلهم عاده ويكفيها عشر دراهم
وقت الفسحة يكفيهم للاكل .. وشي وقت للصلاه .. واجر الباص والكتب والملابس غير عن دفعه المدرسه ولا مره وحدة الدفع كل شي وكم سعره اذا تعرفون تقريبا 
بامانه .. لان مابي حساسيات ويا بنتي .. ومابي يتكرر نفس ما انا يوم صغيره وانظلم وانضرب !_! حيل 
كل وحدة اتخبرني اي صف البنت وشو المدرسات وشو نتايج التدريس وياهم بليز عاجل حبايبي
لا تتاخرون في الرد
وعليكم السلام ورحمة الله وبركاته 
عندهم حصتين للأكل .. عاد هم ينوعون لهم في الوجبات .. فطاير / نجتس مع بطاط / برجر / سندوتجات جبن أو زعتر او نقانق / احياااانا اييبون لهم برياني دياي / … الخ
البنت ما تحتاج مصروف يومي نهائيا … الأكل تدفعين جيمته من ضمن الـ 5000 محسوب يعني … في الغالب الدفع آخر العام كامل ..
عاد بخصوص المدرسات والله ما عندي خلفيه بس أغلبهم ممتازات بصراحه .. بس مب تحطين كل اعتمادج على المعلمات وانتي بأسلوبج جي تشجعين البنت انها تكون اتكاليه وتحسسينها انه المعلمات ما يعرفون يوصلون المعلومه لها .. شدي عليها اكثر ومب كل ما شفتي درجاتها نازله نقلتيها من المدرسه .. هذا غللللللللللللط .. لازم تروحين تناقشين الموضوع مع المعلمه و شوفي الخلل وين في بنتج أو في اسلوب المعلمه و حاولي تفهمين طريقه تدريس المعلمه و خلي بنتج تكون في الصوره و شجعيها و هاتيلها قاموس عربي انجليزي وعلميها كيف تطلع معاني الكلمات اللي ما تفهمها و خليها تحضر وتذاكر في البيت اول باول علشان يوم تروح المدرسه تكون فاهمه شو اللي تقوله المعلمه مب تروح على عماها ومناك تقول المعلمات ما يفهمون !!
و لو تحسين مستواها متدني وديها معهد خل تقوي اشوي من ذاتها و يا كثر المعاهد في الشارجه .. أهم شي لا تحسسيينها انه الخلل في المعلمات ولا فيها بس شدي عليها و تابعيها و شرات ما قلت لج خليها تذاكر اول باول و تحضر الدرس قبل لا تروح للمدرسه ..
و بالتوفيق ^^
وبالنسبة اسير واتابع بس الخللل من المعلمه وتعبت من اسلوبهم عسب جذه اسال وانا ما اغيرها بس هالمره مووولي ما عيبتني المدرسه بكبرها ولاهي بالابتدائيه نفس المدرسه ودراسهم توب الا الانجليزي انا اجتهدت ويااها ويابت نتيجه بس الى متى ماعرف كل شي بالانجليزي وخاصه كل ه ما سارت مرحله اكبر والله المستعان
الله يجعله خير مدرسه المنار يارب
