انا كملت سنة على طلاقي والحمدلله على كل حال ولين الحين اموري معلقة في المحاكم وماخذت ورقة طلاقي للاسف
والحين كل مابغيت اسافر مع بنتي يوقف طليقي مثل العظم في البلعوم ومايخلينا نسافر وسار وعمم على بنتي في التحريات وممنوعة من السفر حسبي الله عليه ان شاء الله عساه مايتوفق ان شاء الله
الحين هو شاف حياته وتزوج اللي يبغيها ليش مايخلينا في حالنا يعني شوفيها لوسافرت مع بنتي مو من حقي بس انا بعد ماسكتت عنه رحت وقدمت تظلم شرعي وقال للقاضي ماعندي مشكلة بس يخبروني قبله بعشر ايام انزين الحين ابا اسافر في شهر 12 يعني جدامنا شهرين تقريبا وخبرناه وقال لا ماراح تسافر البنت معاج للعلم اني انا ابدا مافي تواصل بيني وبينه تواصلنا عن طريق الخدامة فقط لاني مب حابة احتك معاه واحنا مب متفاهمين واهلي مايحبون يكلمونه ابدا ومايحبونه بعد اللي سواه فيني وقالو لايتصل فينا ابدا وانا ماحب احتك في اهله ابدا لاني ماحبهم بعد ناس مافيهم خير ياما سويت فيهم خير لكن مايي في عينهم شي ناس ظلمة حسبي الله ونعم الوكيل فيهم .
والحين ماسكني من هالنقطة مايخليني اسافر مع بنتي انا ادري ان القصد مب على بنتي المقصودة من السالفة كلها هي انا وحركاته باينة وضوح الشمس .
والله اني قاعدة بس اتحسب عليه ليل ونهار لان ماعندي غير ربي بياخذ بالحق منه وبي يمهل ولايهمل باجر اذا عرست بيقعد يهددني ويشل بنتي بعد بس الحمدلله انها صغيرة بعدها مايروم ياخذها مني .
يالغاليه تري كل شي بالقانون وياااج فلا تقلقي
ربي يصلح حالج
وماسكنج من ايدج اللي تعورج
سافري بدون البنت خليها عند حد من اهلج اذا في حد ما بيروح
والا كلمي محامي في هالموضوع
كيف طلقج وما خذتي ورقج للحين؟
انا رحت المحكمه و خلصت اموري كلها و خذت اوراقي
اذا لين اليوم ما ثبت الطلقه
ترومين تروحين المحكمه وهم اييبونه لج هناك غصبن عنه يثبت الطلقه
