هذا الموضوع موجه للي حابه تتعلم الديكوباج … واللي مستصعبتنه تشوف الخطوات وايد سهل وما يباله شي
وياريت تستفيدون كثر ما انا استفدت
هاي الادوات المطلوبه
تقدرون بدال هالغرا تستخدمون اللي علبته بيضاء وغطاته حمرا ما عرف شو اسمه بس صاحبة الصور كانت كاتبه انه اللي فالصوره احسن نوع وبالنسبه للصبغ اذا لقيتو نوع احسن استخدموه مب شرط جوتن
بالنسبه للكلينكس اللي فالصورة الأولى تقصون الشكل اللي تبونه وتحددونه ( ورد . عصافير . فراشات اللي تبونه )
تم صبغ الاستكانات والصينية بالابيض بس لاحظو الاستكانات بس مصبوغه في جهة وحده وين ما بتحط الصورة
المهم والمهم في هاي الصفحه كللللها ………….
بنات تصبغون الطقم 3 طبقات بالابيض وطبعا تتريون كل طبقه تنشف وتردون تصبغونها
وبالنسبه لاستخدام الغرا تحطونه بالفرشاه وين ما تبون الصورة وعقب بهداوه ورقه متناهيه تمسحون الصورة بالغرا كمن مره بعد عيدو عليها 3 مرات بالغرا نفس طريقة الصبغ وعقب رشو الورنيش عقب ما تتأكدون انه كل شي نشف …. اذا بترشون ورنيش اكثر من طبقة بعد ما يضر.
وهذا غطا صحن الكيك
انصبغ بالابيض
وهذا عقب نهاية الشغل على الغطا
وهذا طقم ثاني بلون وشكل غير
ما عندي صور لاكواب الطقم الاول
الصور ماخذتنهم من الانستقرام واسم اكاونت صاحبة الصور موجود على كل الصور للأمانه
اذا تبون دشو اكاونتها وشوفو تحت الصور هي مسويه منشن حق بنات يسوون ديكوباج
واتمنى انكم استفدتوا ولا تنسوني بردودكم الحلوة
روعه الشغل
ما شاء الله متقن
إن شاء الله اتعلمه
مشكووره الغاليه ع الشرح لا هنتي
ﯙٱإيـٌﮱـَدْ استفدت
بَـً>:/ـًسْ عندي سوال رسومات هاي استكر ولا
ووين الاقيها
المشاركة الأصلية كتبت بواسطة زهرمار 
ﯙٱإيـٌﮱـَدْ استفدت
بَـً>:/ـًسْ عندي سوال رسومات هاي استكر ولا
ووين الاقيها
هذا كلينكس وعليه رسومات تلاقينه في المحلات اللي تبيع لوازم المائده بتلاقين اشكال وايد حلوة
