شحــآلكم بنــات
تكفـون انا امتحنت من قبل مرتين ورسبت في جامعة بوظبي
وامتحنت الثالث في برتش كونسل والنتيجه تظهر يوم الاحد ان شاءالله
وعندي امتحان يوم السبت قبل نتيجة الثالث بيوم في جامعة ابوظبي
تخيلوا ضاعت دراسه في الجامعه
ونفسيتي تعبت وايد من كثر الامتحانات
ولا الناس يوم يسألون نجحتي ولا لا <<فشلــه
وغيـر جــي ابــوي يقولي شبلاج ماتنجحين انتي بنيه وماتنجحين << على باله ان البنات عقولهم كمبيوترات
وغير التوتر والاكتئاب اللي يايني بسببهم
ومن الصبح اسير الامتحان لين العصر <<التعب طبعا
والخوف اللي من الامتحان
وعقبه اتم اسبوعين اتريا النتيجه
شو الحل والله تعبت
ابا اييب 5 مب عارفه
مره اييب 4 ومره 4.5
واذا ذاكرت
مايتغير شي غير انه يستوي تبديل بالعلامه يعني ممكن تصير علامة الرايتنج حق السبيكنج والعكس والمعدل يظهر خايس رسوب
والحيــن املـي الوحيــد امتحان يوم السبت في جامعة بوظبي
ونتيجة امتحان البرتش يوم الاحد بس ماعرف عندي احساس اني مب ناجحه فيها والله يستر
عآد والناس يعرفون
متى امتحن ومتى النتيجه
ويسألون
<<وتعالوا شوفوا الفشله
يارب انجح وافتك
ماعندكم نصايح شي
ولا قولولي شو اسوي قبل يوم السبت اللي هو 11|14
اللي هو عقب يومين
كيف انجح ؟
<وقت رعب نتيجه وامتحان ورى بعض <
يارب خيــر
والحمــدلله على كل حآل
اول شي حطي الرحمن فصدرج ولاتخااافين من الامتحانات
وثانيا
عندي مواقع للأيلس بتفيدج ..
انا درستهااا بس للحين ما امتحنت ومن خلال دراستي لها استنتجت ان الايلس مايباله دراسه
الايلس
شي من نفسسسسج
يعني اذا مستواج فالانجلييزي اوكي بتيبين درجه حلووه واذا مستواج نازل اكيد مابتكونين فاهمه معاني الكلمات ..
اذا تبين بعطيج المواقع عالخاص لانه اعتقد هنيه ممنوع احط روابط ..
طرشيهم
عآد انا اعرف
بس هو صعب
امتحان اللي امتحنته طرشولي مسج اني راسبه فيه الله يسامحهم
وامتحان امس
وايد صعب كان
ابا شي يطور السبيكنج عندي
انزين الجامعه شو طالبين منج اي امتحان فيه نوعين اكادميك وجينيرال ؟
لاني اللي سمعته انه الجينيرال اسهل عن الاكاديميك شوفي شو مطلوب في الجامعه
اذا عادي اي واحد خذي الجينيرال
انزين انا بعد عندي مواقع بطرشها لج ع الخاص
فديتج
