هل انا ملزوومه ادخل بيت عمي كل يوووم ،، (بما اني ساكنه بملحق خاص فيني عندهم )!!
يعني ريلي اوقات يدق من الدوام يشوفني وين انا لو مب ف بيتهم يقولي سيري هناك ،، انزين انا ابا اتم بروحي ابا اخذ راحتي ابا اسوي شي يمكن حق عمري ،، هو لا عيب اتمين ف البيت وماتروحين حق امي
المشكله انا واااااااااايد استحي وعمتي كبيره و من النوع اللي مب وايد تسولف وتتكلم ،، يعني انا يوم حمياتي يكونن ف البيت عادي ادخل عندهم واتم سوالف وياهن وعمتي يا ف المطبخ او ف حجرتها تسبح وتذكر الله ،، اما لو حمياتي محد استحي ادخل لان احس عمري صنم اتم جيه يالسه ما اسوي شي واحينه الكل اجازه وحمياتي الللي ف العين واللي ف دبي (يعني محد ف البيت ) .
قولولي هل انا صدق لازم اسوي جيه ويوميا اكون عندهم ،، ،وكيف ممكن اقنع ريلي (ان انا بعد عندي خصوصيات وابا اسوي شي حق عمري ولا اتم شويه بروحي )ومب لازم يوميااا ادخل !!
عسبت جذي مايباج اتمين بروحج
انا ساكنه فبيت بروحي لكن حذال بيت عمتي
ولازم يومياً عندها
مرات انقهر
واقوله مافي حد هناك الا اخوانك وانا استحي
وابا انظف البيت
وابا اهتم ف عمري(ما احب اقول حلاوه وغيره)
ف مرات يسكت مرات يقول باجر سوي هالاشيا
و كله يبرر انه يخاف علي وان يمكن اكون ملانه
انتي نفسي اتوقع
انتي روحي عند عمتج
العبي بالتلفون
خذي اللاب معاج
اقري جريده
يعني عيشي الحياه عاديه كأنج ف ملحقج
لانه ها بيتج بعد
لو تروحين ع الاقل ساعه ولا ساعتين مب لازم طول اليوم عدالها
بس صدقيني هالشي بيقربج من اهل ريلج وبيكبرج فعيون ريلج
وغير يوم ريلج يقولج سيري او يشوفج بروحج تبين هالشي من نفسج
عاد غريبة الكبار في السن يحبون يسولفون وكله سوالف مال أول
أنا خالتي أم ريلي تسولفي علي سوالف يمكن سمعتها منها مليون مره واقعد اضحك وأجاملها لأنها ياحياتي كبيرة
انتي جوفي عمتج شو تحب؟
انا عمتي تحب المسلسلات من تسكت اقول عمو شصار بحلقه مسلسل فلان؟
تقولي اياها وترجع تقول قصه من قصص حياتها
وجذي
اذا عمتج تحب القرآن وجذي
شرايج تقولين لها عمو شرايج نحفظ القران
انتي حفظيها
واكسبي اجر واحفظي معاها
اختي مالي مثيل ردها ذكرني بهالنقطه
افتحي وياها مواضيع
ولاتطولين عندها
المهم مري عليها وخذي وياج شي يسليج ف يلستج
