عندي سؤال عن شفاطة الحليب ممكن تساعدوني؟؟

السلام عليكم ورحمة الله وبركاته

اتمنى الكل بخير

حبيت استفسر عن شي الي هو الشفاطه مالت الحليب انا قريب بظهر من الاربعين تعرفين لازم فيه طلعات الصالون وغيره حرام آخذه معاي وابد موخاطري ارضع ولدي صناعي قلت بآخذ شفاطه شو الغولي حد مجرب شفاطات الحليب ولا لاني ابى اعرف جد ترهل وانها تخف الحليب واي وحده زيننه ؟؟؟؟؟؟؟؟؟؟؟؟

ويزاكم الله خير سلفا ..

حببتي اذا استخدمت شفااطه الحليب بطريقه غلط راااح تخف حليبج واذا تبين تعرفين الطريق الاحسن لشفط الحليب ترا في مستشفى التواام يعطووون استشارات عن الطريقه روحي هناك وان شاء الله يساااعدونج

استغفرك ربي وأتوب إليك

شكرا الغلا ع افادتج لي

بس انا من دبي

ما عرف يعني الاستخدام الغلط يقلل من الحليب

بنات فيدوني اكثر مابي يقل حليبي ابى ارضع ولدي ان شاء الله طبيعي بس للضروره بشفطله سواء اذ ظهرت السوق او في اماكن ماقدر اني اطلع صدري وارضعه ..

نفس الكلام
بس الشفاطه بتحصلينها في محل الاطفال بيبي شوي

امس كنت عند الدكتوره ونصحتني ب ( medella )

السلام عليكم
حبيت اقولج تجربتي بما اني كنت شراتج اتخبر ومجد يفديني بشي
انا شراتج يوم قربت اطلع من الاربعين كنت ابغي اروح الصالون وماريد اعطي ولدي صناعي
اول شي استخدمت شفاطة ميديلا الكهربائيه وتميت عليها قريب الشهر وفجاءه اختربت وخذت مالت ختيه اليدويه
بالنسبه لي اليدويه كانت اسهل واكثر عمليه بوايد من الكهربائيه
لعدة اسباب اول شي اليدويه ماتطلع صوت يعني مرات كنت اشفط بالكهربائيه يوم ينترس صدري فليل وولدي يوم من الصوت بس اليدويه مافيها صوت ابد
ثاني شي الكهربائيه لازم تكونين مكان فيه كهرب او بطاريات بس اليدويه اي مكان كنتي تقدرين تشفطين منها
بعدين لي يقولج انها تنشف الصدر غلطان
بالعكس يقولج الصدر كل مانزل منه حليب زادت كميته
انا اول شي كان فيه حليب بس مب وايد
احين ماشالله من كثر مااشفط صدري دومه متروس ماشالله
بس ماعندي فكره عن الترهل (انشالله مافيه )