كيف حالكن خواتي ؟
عندي كمن استفسار حابه اسافر النمسا شهر عسل و بتكون اول سفره لي و ماعرف كيف اتصرف 
كيف احجز عن طريق شو المكاتب ولا عن طريق الانترنت ؟؟
و اول ما انزل من الطياره شو اسوي وكذا ؟
وعقب كيف برمس راعي تاكسي عشان يوديني الفندق اللي حاجزه فيه ؟؟
و فكرنا نروح عند قروب يعني يمشونا وجي لانه مانعرف شي و نخاف يقصون علينا وجي و قلنا بنروح مع حد سياحي يمشينا لانه سمعنا عن قروب و تروح عنده و مادري كم يشلون من عندك و يمشونكم .. حد يعرف ب خصوص هالشي ؟ و اذا هيه كيف بحصلهم ؟؟ و كم ؟
والله حابه الكل يفيدني كل حد مجرب و مروح النمسا لانه صدق مانعرف شو نسوي نخاف نتوهق ؛(
وادخلي مواقع متخصصه فالسفريات واخذي معلومات عن النمسا
واذا ماتحبين تحجزين بالمواقع انصحج تسيرين مكتب سياحي فالاماره اللي انتي فيها وبيحجزولكم كل شي
من سكن لسياره توديكم للسكن وهالسوالف
نحن فالنمسا اجرنا سياره ساقوها الشباب وايد اريح والسواقه هنام سهله بالجارمن
لكن لازم ترتيبات الها من ليسن دولي لحجز مسبق للسياره وهالسوالف
و مشكوووره خيتي امواج الصراحه ماقصرتي يزاج الله خير
وعادي يوم بتنزلين من الطياره ترا شي لوحات ارشاديه فالمطار يعني ما بتضيعين و حق التاكسي لازم بتكون عندكم اوراق حجوزات الفنادق من المكتب و تراونه اسم الفندق و بس ..لا تحتاين
ـ و اجوف افضل انكم ماتتقيدون في جروب سياحي ..وقتكم بيضيع لانه ملتزمين مع ناس. فأحسن انكم بعد ما تتحددون المدن اللي تبون تزورونها ,تجوفين الاماكن السياحيه فيها و جي وقتكم بيكون في ايدكم و اي استفسار انا هنا
المشاركة الأصلية كتبت بواسطة M.T 
وعادي يوم بتنزلين من الطياره ترا شي لوحات ارشاديه فالمطار يعني ما بتضيعين و حق التاكسي لازم بتكون عندكم اوراق حجوزات الفنادق من المكتب و تراونه اسم الفندق و بس ..لا تحتاين
ـ و اجوف افضل انكم ماتتقيدون في جروب سياحي ..وقتكم بيضيع لانه ملتزمين مع ناس. فأحسن انكم بعد ما تتحددون المدن اللي تبون تزورونها ,تجوفين الاماكن السياحيه فيها و جي وقتكم بيكون في ايدكم و اي استفسار انا هنا
ايوااهه صصح والله انج صادقه وقتنا كله بيضييع >< عشان القروب السياحي
زين خيتي شو تنصحيني بخصوص وسائل النقل ؟؟ و الاماكن الحلوه لانه ماعندنا وقت واايد بس اسسبوع واحد و مانبا نضيعه ب اماكن مب لين هناك
مشششكوره ماقصرتي يزاج الله الف خير :*
