فديتكن تحيدوووون راعية هالموضوع
https://forum.uaewomen.net/showthread.php?t=952413
البارحة تذكرتها وقلت بزورها لاني اعرفها وحصلت كروشتها جدامها فالشهر الخامس ماشاء الله
قالولها احتمال الولد يطلع مب سليم بس حسيتهم واااااااااايد مستانسين
ماشاء الله ماشاء الله على الخير الي هي فيه حيل حيل حيل متواااضعه وبشوشة
الله يرزقهم هالفرحة ,,,, حبيت ابشركن لانها جد قطعت قلوبنا فرمضان
اما السالفة الثانية @@
بنات ييرانا 4 اكبر وحده بتصك 34 جريب واصغر وحده 27
هذيل مايقدرون يتزوجون الا اذا صار شيئين
ياهم شيخ او امير او مليونير او عقب ما الله يشل امانته ( امهم – استغفر الله ع قولتهن )
امهم معسرة عليهم النصيب
تحب الفشخرة وتحسب الف حساب للناس
تبا حفلة خطوبة وملجة وعرس وخيمة مكسار جدام باب البيت للزهبة والذهب
تبا مهر 150 الف و50 حقها والمعرس يلبس بناتها وحريم عيالها 
باختصار تساوم عليهم والي يدفع اكثر حلال عليه
والله ان العودة تسوي المستحيل عشان يتزوجن خواتها واتييب اي حد عشان لايعيشون شرواها
وحليلها مريضة ومب مترقعه هي والثانية من شي لشي
مع العلم ان كلهن يشتغلن والصغيرة بين مدة ومدة ايونها خطاب لانها الاصغر والام تصرفهم
هذا يدوخ مانباه
هذا يلبس جي مانباه
هذا امه جي مانباه
اطلع اعذار سخييييييفة والرياييل ونعم فيهم ماعليهم باس اخلاق ودين واصل
اما الكبار ايونهم يا مطلق يا يبا الثانية او عزابي بس اكبر عنها وبعد ماتباهم !!
مافي شي يرضيها على فكرة الام متجنسة ادري مايخصه فالموضوع بس لو كانت بنت اصل
شو سوت عيل ؟!! عندها بيت وعندها عزبة وعندها معاش الشوونة مخلين هذا كله لها
البنات جمالهم عادي والعمر يمضي وتحسون من النفسية يبان عليهم
والاخوان مب قادرين يسوون شي للام رمسوها مانفع قاطعوها مانفع
من فترة ياهم واحد والاخوان عطوه كلمة وقالوا الشور مب عند الحريم عندنا
وسووا الخطوبة والبنت مستانسة وخواتها مستانسين وكل البيت
يسمعون باليوم الثاني الام سايرة لبيت الريال لاعنه خير امه وابوه وهله
طبعا هله قالوا ماتباها وهو يباها وتم يحاول فيهم
وسار لام البنية وتبلت عليه قالت سبني وشتمني ويابتله الشرطة
وتكنسل كل شي
وحده منهم سارت تسكن مع اخوها وماتبا البيت امرة
الام شلت يوازها وخشته حسبالها ولدها بيوّز اخته من وراها 
الحين هالبيت تقريبا اغلبية الناس يعرفون عنهم
واذ حد فكر ياخذ من عندهم لما بيسألون بيعرفون امهم شو
حاولوا يطرشون عليها حريم ينصحونها تتهرب ولا تطردهم ولا تسمع من صوب واطلع من صوب
الاخوان حيل مفتشلين من الناس وتحسون مايروحون لحد من الفشيلة واثنين مب قادرين يفتحون بيوت
لان محد يطيع يعطيهم بناته وهذي امهم
شو يسوون مثلا يحجرون عليها ولا يفرونها فالمستشفى مثل ماقالوا البعض الله يهديهم
يقولون هذي امنا مهما كان هم ييرانا من سنين وهذي حالتهم من عرفناهم
بس كان الابو مانع بناته من الزواج والسبه البيزات
فالاخير البنت الصغيره سارت المحكمه وزوجت عمرها وعقب سارت ويا ريلها برع الامارات الي اهلها ساكنين فيها
وعقب خبروا الابو ويا الوقت الابو رضخ للامر
حراااام عليها تحرم بناتها من العرس عسب وصخ دنيا
لازم حد يدخل فالموضوع اخوانهن خوالهن عمومهن ويعرسن فالاخير الام بترضخ للموضوع
اتوقع عادي يعرسون اذا الام رافضة
والله العالم
