غالبا ما اشعر بالكسل

اخواتي العزيزات . .
ابغي اكلمكم في موضوع شخصي . . و اتمنى تساعدوني

دايما اشعر بالكسل و الخمول و احس اني مو قادره اسوي شي معني احس اني عندي الف شي اسويه بس الكسل يخليني اشعر بالملل و اتشرد من الاعمال حتى في العبادات ..
اتريا ردوودكم

ما عليج شر بإذن الله ، سوي فحص فيتامين دال ، وللأسف هو ناقص عند اغلبية الحريم الخليجيات

بس نقصه يسبب خمول وكسل وله أعراض ثانية أحياناً ،، إذا طلع ناقص عندج خذي الكورس العلاجي وإن شاء الله بتكونين أحسن

سوي فحص الغلا
ومافيج الا العافيه

الهم اني اعوذ بك من الكسل و الوهن اللهم أرزقنى نشاطا لاينقطع
لافحص ولا هم يحزون مافيج الا العافية ,,, الغالية الكسل بيبلج امراض الدنيا ربي يعافيج ومالج الا الدعاء والاذكار لازم تقرينها
نحن تينا فترات نكسل بس نحس ان امراض الدنيا فينا هاذا الشيطان يلعب براسج فديتج تعرفين ان الرسول (عليه الصلاه والسلام )
كان وااايد يتعوذ من الكسل .اللهم إني أعوذ بك من العجز والكسل والجبن والهرم والبخل ، وأعوذ بك من عذاب القبر ومن فتنة المحيا والممات .
الله أهدني وسددني ، اللهم إني أسالك الهدى والسداد.

مشكووريين حبايبي على الردوود

سيري حبوبه افحصي وطلبي فحص الغده الدرقيه بعد ها في تحليل الدم يطلع اذا نشطه او خامله …
ولا تنسين نقص فيتامين د …انا مافيني خمول ولا شي بس كل ما افحص يطلع عندي نقص دال وبي 12 فأخذ ابر بين فتره وفتره ع حسب وصفة الدكتوره …والحمدلله نتعب من الشغل والدوامات يوم تي الاجازه انا عظامي كلها تعورني وما اروم اسوي شي وهيازه وكسل …لانه طول الاسبوع شغل …فلا تحاتين ها شي طبيعي …والخمول يباله رياضه …

الله يوفقج