فستان أطلب المساعدة

السلام عليكم ورحمة الله وبركاته ،،

أخواتي في الله ..

أنا عضوة جديدة معكم وأتمنى منكم مساعدتي ..

أرغب في شراء أو تفصيل فستان لحفلة ( الملجة ) ..

والتي تبقى عنها شهر واحد فقط ..

أبحث عن فستان يكون منفوشا نوعا ما بحيث يليق بالمناسبة ..

ولا يكون منسدلا ..

فأي المحلات تنصحوني بها ؟ في المناطق التالية فقط :

الشارقة / دبي / رأس الخيمة

ولكم مني جزيل الشكر

اختى في محل انا اشتريت منه فستان ملجتي واسمه الخطوة الأولى في ابوظبي، الخالديه اشياءهم روعه الصراحه

حبوبه شئ في صناعيه عيمان فساتين روعه عند محل والله انه احلى من التفصيل انا لما شفت الفساتين تمنيت اني شفتهن قبل ملجتي والأسعار معقوله وايد لو تبين اسم المحل ورقمه خبريني
موقفه الغلا ذكرتيني والله

عندج ميغامول اللي في الشارجة فستان ملجتي من عندهم
وايد فساتينهم حلوة من لبنان ما اذكر اسم المحل بس في اكثر عن محل
وكلهم حلوات

ممكن تروحين مركز صحارى عندهم فساتين وقطع حلوه ولا في شارع الوحده والرقه المحلات شكثر

حبوبه انصحج نفصلين فستان افضل من انج تشترينه جاهز والله ساليني انا كنت ادور لي فستان جاهز لملجتي ومالقيت شي حلو والمشكله الاسعار كلها نار والحمدلله فصلت لي فستان في اسبوع بس القماشه مع التفصيل واكسسوارات الشعر كلفني 5000 والفستان كان على ذوقي والحمدلله طلع شي
خياطة الفستان كلفتني3000 لاني كنت مستعيله عليه والمصممه قالت لي دامج مستعيله عليه لازم اخذ عنج هالمبلغ لاني كنت اباه يجهز اقل عن اسبوع ومالقيت شي جاهز فكنت مضطره والحمدلله كنت راضيه عنه وايد
واذا تحبين تروحين لهالخياطه اسمه اماسي بالشارجه وانصحج تاخذين قطعة الفستان من مركز البستان قطعهم شي الصراحه والمحل اللي خذت عنه القطعه هو اللي دلاني على هالخياطه
والله يوفقج يارب
ونسيت اخبرج لاتنسيت تقولين لأي مصمم تروحين له انج تبين هالفستان لحفلة خطوبه عشان يشتغلون فيه صح وينفشونه عدل

هيه حتى انا فستان ملجتي من محل الخطوة الاولى للملابس البحرينية.. كان يجنن.. ماتم حد إلا وسألني عنه..