نهاية الاسبوع
نكون متجمعين مع بعض كل افراد العائلة ونكون قاعدين في الشاليهات
واحنا ثلاث عايلات
هذا الاسبوع فكرنا بلعبة نلعبها كلنا الكبار والصغار
وهي كتابة كل اسم فينا 3 مرات ونحطهم في اوراق ونطويهم
وبعدها ننثرهم في الارض وكل واحد ياخذ ثلاث اوراق
ويفتحهم بدون الباقي ما يشوفون شنو عنده
وكل واحد يحاول يجمع 3 اسماء متشابهة
وبتدأ اللعبة تنقل اسم واحد يعني مثلا انا اشوف شنو الاسم اللي متكرر عندي مرتين اقوم اعطي
اللي يمي الاسم الثالث واحاول اخذ نفس الاسم المتكرر
ونكون قاعدين دائرة
واي واحد يحصل ثلاث اسماء متشابهة يضع كف يده على الارض والباقي يضعون يدهم فوقه
و يتم الحساب
اذا كان عدد الافراد المشاركين في اللعبة 6
الكف الاول اللي هو فائز بيكون 60
واليد اللي اتيي فوقه 50
واليد الثالثة 40
وهاكذا حتى تنهي
وفي الاخير نضع بجنبنا ورقة وقلم ونكتب فيها الاسماء
ويتم فيها تسجيل الدرجات مثلا
مريم —- مني —– عايشة —- خولة —- عبير —– نورة
60 —- 30 —– 10 —- 50 —- 20 —– 40
الفائزة هي مريم والتي جمعت 3 اسماء متشابهة واليد اللي فوقها خولة واليد اللي فوقها نورة صدقوني اللعبة حلوة وفيها مرح والحلو فيها ان كل افراد العائلة يلعبونها
وبالهطريقة نكون جمعنا افراد العائلة كبير وصغير
وطبعا انتو تدرون ان الاولاد في فترة المراهقة ما يحبون يقعدون مع العائلة
بس بهذي الطريقة نكون جمعناهم معانا واشتركنا في لعبة حلوة ومرحة مع بعض
والحلو ان يصير فيها طق ومطاقق لان كل واحد يحاول تكون يده في اول يد
وهذي فكرتي للعبة اللي لعبناها
والله يا بنوتات ياحلوين عطوني من افكاركم اللحلوة
للعبة حلوة تجمع شمل العائلة
يالله عاااااااااااااااااااااااااااااااااد لاتبخلون علي بافكاركم الخطيرة
وتحملوا تدشون وتقرون الموضوع بدون ما تعقون عليه
هاذاني حذتركم وانتو كيفكم استمحلوا اللي بيييكم :1 (29):
جد حلوة اللعبة
بس اروح عند اهلي بدي اعلمهم اياها نلعبها
لا تحرمينا من افكارك
وان شاء الله اذا عندي افكار ثاني اكيد ما ببخل عليكم
وانتو طبعا لالالالالالالالالالالالالالالالا تبخلون علي
شدعوة بس وحدة ردت على الموضوع وينكم
ويـــــــــــــــــــــــــــــــــــــــــــــــن كم ؟؟؟؟؟؟؟؟؟؟؟؟؟؟؟؟؟؟
ما تبون افكار للم شمل العائلة :22 (8):
اذا تبين تشغلين اليهال ..
سوي جدول وفي كل مربع اكتبي مثلا يلبس قميص ابيض .. والمربع الثاني عنده قلم ازرق وجي يعني لين اتعبين الجدول كله …
وكل ياهل ياخذ نسخه من هالجدول ولازم يمر على اهل البيت كلهم يشوف منو لابيس قميص ابيض ويخليه يكتب اسمه تحت الصفه .. وهكذا واول واحد يخلص جدوله هو الفايز
مره سويتها ويا اخواني تخبلوا وكل يوم يبون يلعبون هاللعبه بس المشكله الصفات ما اتحصلينها بسرعه
أنا عندي لعبة شجرة العائلة طبعا إذا كانت العائلة كبيرة،،،، تحطين جميع الأسماء وعلى حسب عدد الأشخاص الكل يكون عنده الأسماء ويرتبها واللي يخلص أول هو فايز،،،،،،ويكون له جائزة طبعا،،، ما يلعبون بدون جوائز ههههههه
المشاركة الأصلية كتبت بواسطة zoomyat 
اذا تبين تشغلين اليهال ..
سوي جدول وفي كل مربع اكتبي مثلا يلبس قميص ابيض .. والمربع الثاني عنده قلم ازرق وجي يعني لين اتعبين الجدول كله …
وكل ياهل ياخذ نسخه من هالجدول ولازم يمر على اهل البيت كلهم يشوف منو لابيس قميص ابيض ويخليه يكتب اسمه تحت الصفه .. وهكذا واول واحد يخلص جدوله هو الفايز
مره سويتها ويا اخواني تخبلوا وكل يوم يبون يلعبون هاللعبه بس المشكله الصفات ما اتحصلينها بسرعه
يا خطير انت zoomyat
مشكوره على الافكار الخطيرة
والله لعبة حلوة تخلينا تستغل طاقة اليهال عشان يدوخون ويرقدون من وقت
شكلنا احنا اللي بندوخ والله :22 (13):
ان شاء الله بحاول اطبق لبعتج واشوف شلون بتخلبون عيالنا وهم بدون شي ومتخبلين هاههاههههه
وناطرين اي افكار يديدة للم شمل العايلة صغير وكبير
