السلام عليكم ورحمة الله وبركاته
للأسف لااتقن فن الطهي ولكن احببت ان اشارك باطباق (منقوله ) من اختياري انتقيتها بعنايه من مواقع مختلفه اتمنى ان تنال على اعجابكم
وللأمانه لم اجرب اياً منها
ملاحظه : الصور وايد سوو ريفريش او تحديث للصفحه علشان تفتح معاكم كل الصور او ضغطوا F5
الطريقة /
– نحمص كوب حليب بودره ونضيف له علبة بسكويت شاي صغير مطحون .
– نضيف ملعقة كبيرة ونص قشطة .. ونضيف حليب محلى مركز ..
ونعجنهم لحد مانحس أنو صارت عجين سهلة التكوير
– نكورهم .. و نسيح 2 حبة جالكسي في حمام مائي ونضيف له شوي حليب ..
ونغمس فيه الكور ونصفهم بصحن التقديم
– نحطه بالثلاجه عشان يجمد .
وبالهنا والعافيه : )
الطريقة /
– الطبقة الأولى ( 2 علبة صغيرة بسكويت شاي مطحون ، نفركها بأصبع زبده ، علبة قشطه )
ونعجنهم لحد مايطلع البسكويت متماسك .. ونرص البسكويت في العلب كطبقة أولى .
– الطبقة الثانيه .. في الخلاط ( علبة قشطة ، ظرف كريم كراميل ، نص علبة حليب مركز محلى ،6 حبات جبن كيري ) ونصب الخليط فوق البسكويت .
– نخلي الخليط يجمد شوي .. وبعد كذا نضيف الطبقة الثالثه .. وهي ( حشوة التوت ) الجاهزة وبأمكانك تحطين أي حشوة عاجبتك فراولة أو شوكلاته : )
وبالهنا والعافيه : )
الطريقة /
– نقوم بعجن ( 3علبة قشطة + 3 أكواب دقيق+ 2 ملعقة بيكنج بودر ) ونتركها تخمر لمدة نصف ساعة .
– نأخذ قطع صغيرة من العجين ونحشوها بـ ( جبن كيري )
ونكورها ونضعها بالزيت وطبعا مايكون الزيت حار مره عشان ماتطلع محروقه ، يعني يكون الزيت على نار هاديه .
– وبعد مانخرجها نعمل صوص مكون من ( حليب محلى مركز +قرفة ) ونضعها في صحن التقديم ونرش الصوص فوقها
ونصب شوكلاتة هيرشي .
وبالهنا والعافيه : )
*****************
صنينه التوست :
الطريقه مع المقادير :
تحمسين بصل مقطع مربعات + فصين ثوم + طماط + فلفل رومي وبعدين تضفين له صدور دجاج مقطعه قطع صغيره + م ص فلفل اسود + م ص كمون
تقطعين اطراف التوست وتصفينه بصينيه وتحطين الدجاج فوقه
تحطين بالخلاط م ك مايونيز + م ك جبن سايل + م ك قشطه ( حبه جبن كيري بس مو ضروري)
وتصبين كاسه شاي حليب سايل < نسيت اصوره
تحطين شوي من الخليط فوق الدجاج
تصفين فوقه توست وتحططين فوقه باقي الخليط وتدخلينه الفرن لمين يحمر من فوق
**************
( سلطة الفواكة – فروت )
نقوم بتقطيع كل من إلى قطع صغيرة ( التفاح – العنب – البرتقال – الكمثرى – الكيوي – موز ،) بالاضافة إلى حبات الرمان
ونقوم بسكب عصير المانجا عليها ( يفضل المراعي العادي او الفونسو )
توضع في الثلاجه لحين التقديم ..
وبالعافية .
يتبع ،،،
تاخذين خس وتقطعينه الى شرائح متوسطه الحجم ..
وتسوين السوس
وهو متبل الرانش ( ربع العلبه ) + علبه زبادي + ملعقتين مايونيز + شوي ملح وفلفل
تخلطينهم مع بعض وتحطين فوق الخس
ونزينه بدجاج مشوي وخبز محمص الجاهز او بيتي +
وطريقة الدجاج هي ..
نتبله بملح وليمون وفلفل وشوي بهارات الدجاج ونحطه بالحماصه لما يستوي ماياخذ وقت ابد
ويُقدم ..
&
&
*
تصلح للدايت , لانها تشبع ونوعاً ما صحيه ..
*******************
سلطة الناتشوز /
اول طبقه تاخذين خس وكروم ابيض وكروم بنفسجي وتقصصينه طوال –
ثاني طبقه وهي السوس عباره عن متبل فرنسي لونه اورنج للسلطه تقريباً نص العلبه او ثلاث ارباعها على حسب كميتك و 5 ملاعق مايونيز وشوي ملح وخل برضو وتخلطينها مع بعض لما يصير خليط متجانس ونتأكد من الطعم هل يحتاج مايونيز او شي
وتحطينه فوقه مع ذرة
ثالث طبقه تاخذين جبن شيدر الي لونه اصفر وحجمه كبير وتبشرينه وتحطينها فوقهم –
وممكن يقدم بدون اي اضافه
بس انا دايم ازينه بدوريتشوز بالجبن ..
وممكن اعكس بالطبقات
*
طبعاً يُفضل اذا بتحطين الشبس ماتحطينه الا لما تجين بتقدمينه لانك لو حطيتيه بدري ودخلتيه الثلاجه بيصير التشبس رطب مو قاسي فهمتوا ؟ :$
ولا تفوتكم , طعمها رائع ..
**********
– ناخذ بطاطس وديجز ونقليه ونصفه بصحن ممكن يتدخل مايكرويف ونرش فوقه جبن موتزاريلا
– نقطع بصل وطماطم وفلفل اخضر صغار ونفرم ثوم وبقدونس
– نحمس بزيت زيتون,
بصل + ثوم + لحم مفروم + ماجي + بقدونس + طماطم + فلفل + بهارات مشكله + ماء + صلصه طماطم ونخليه
لما يستوي اللحم
ونحطها فوق البطاطس
– ونحط فوقه قطع فلفل هالبينو + جبن موتزاريلا مبشور
وندخله المايكرويف دقايق لما يذوب الجبن او الفرن ويقدم مع متبل رانش
&
*
ألذ طريقة سويتها لما الحين .. وجربتها كم مره مع البطاطس العادي مو الوديجز برضو حلوه ^^
بس لما تدخلونها الفرن لا تطول عشان ما تقسى ولما تدخلونها المايكرويف لا تطول عشان ما يلين البطاطس ..
يتبع ،،
– نأخذ دجاج صدور ونقطعه لقطع كبيره بالطول , ونتبله بملح وبابريكا
وبهارات مشكله وندخلها الثلاجة نص ساعة تقريباً
بعدها نطلعها ونغطها بطحين مع باربيكا وندخلها الفريزر لما تجمد شوي
ونقليها ونصفها بصينيه بايركس
نبدأ نقطع ماشروم طازج + فلفل ملون + جزر + بصل الى شرائح
ونبشر جبن موتزاريلا بعد
ونحمس زيت زيتون ونحط فوقه البصل والخضار والماشروم مع شوي بهارات مشكله وماجي وكركم
ونضيف فوقها الصوص وهو عباره عن
علبة لبن + قشطه خفق + علبتين قشطه طازجه
+ لو نبي نحط قرنبيط مقلي انا ما افضله صراحة
ونصبة بالصينيه ونرش فوقه الجبن
ندخلها الفرن من فوق وتحت لما تتسبك وتتحمر ..
أممم صراحة حاولت أصورها بصحن , بس شكلها ما يطلع حلو .. يمكن هذي أهون صورة :$
*
حبوها أهلي مرررره , تنفع غداء وعشاء ,
رغم أني خفت يوم قريت فيها لبن , بس تراه ما يبين طعمه أببببد ..
يتبع ،،
~ ~ ~ ~ ~
الفكرة انج تحشين الفلافل بكل ما لذ و طاب
و اي شي يخطر على بالج و تحبينه
انا سويت بيتزا الفلافل
و تبولة بدبس الرمان و اللبنة
ولبنة و زيتون محشي
وبنفس الفكرة تقدرين تحشينها بشورما الدياي او اللحم مع الطحينة او بدبس الرمان
وممكن حمص وبطاط و بيديان
وزينيها بالطريقة الي تعجبج
انتي و ابداعاتج
انا اليوم كنت مستعيلة وبروحي محد يساعدني
ماخذت راحتي بالتزيين و الحشوات
بس برضو النتيجة كالعادة لذيذة و ترفع الراس
يتبع ،،
~ ~ ~
سهله ولذيذه
طريقتها
توست منزوع الاطراف ثم افرديها
احشيها برقر اصابع مخلل خس ولو وجد جبن شرايح يكون افضل
وتقدرين تحشينها اي حشوه انتي حابتها مثل البيتزاء حطي شوي صلصله جاهزه اوشغل بيت
ثم زيتون شرايح وفلفل اخضر وجبن
ولفيها وسكري طرفها بجبن سايل وادهنيها بالصوص
( كاتشب وشطه سومطره وزيت زيتون و زعتر ) مقدار حسب كميتكم وفي الفرن من فوق مجرد تحمير
او في الحماصه تكون احلى مخططه
يتبع ،،
اخذت طريقتها من مرت ولد خالتي الله يعافيها يارب
ملحوظتي عليها احس تنفع كفطور صباحي لان البيض فيها طاغي
وحبه وحده تكفي
جربوا واحكمو
المقادير
في الخلاط الكاس
4 شرايح توست منزوعه الاطراف
3 بيضات
علبه قشطه
علبه كرفت شدر الوسط
م ك BB
ثم في التيفال الكبيره بعد ماتدهنينها طبعا وفي الفرن من تحت وفوق
بعدين حطيها على ورق نايلون واحشيها اللي تبين ( مكس اجبان _ او حشوه دجاج بس افرموا الدجاج وادهنوا العجين بكاتشب ومايونيز )
&&&&&&&&&&&&&&
طريقه حلوه لتقديم الكبه
علبه بلاستيك وسطها خس وفوقها كبه جاهزه ثم صوص الرانش
يتبع ،،
