السلام عليكم ورحمة الله وبركاته ..
أخواتي بس بغيت اسأل عن القروض في البنوك للي راتبه 4000 درهم
يحق له ياخذ قرض ؟؟ وشو البنوك اللي مسويه عروض عن هالشي ؟
وشو الشروط اللي يطلبونها ؟
مع العلم إنه مكمل الـ3 شهور من يديد
اللي يعرف بهالسوالف لايبخل علي ماعليكم امر
وجزاكم الله كل خيير 
بنك دبي السلامي مايعطيه اولا لازم يكمل ستة شهور في العمل الا اذا بييب شهادة تثبيت ولازم راتبه يكون محول عالبنك ومكان عمله مدرج بالبنك وعقب يعطيه
ربي يوفقج أختي
لا حول ولا قوة إلا بالله
يعطيكم العافيه يابنات ،، اختي حرمة عمر
هو مثبت وراتبه يتحول ع البنك ومكمل 3 شهور
انا اعرف ان قوانين البنك المركزي ماتنص على انهم مايعطون قروض للي رواتبهم اقل عن 10000؟؟
يعني هذا البنك مثلا اللي قالي اقل عن 10 غير ممكن يعتبر مخالف وممكن يتبلغ عليه بالمخالفه
انا الصراحه مااعرف زياده بس حاولت اني استفسر
اذا البنات عندهم فكره عن المووضوع اتمنى مايقصرون ، ويفيدوني بأسرع وقت
ويزاكم الله كل خيييير
موفقة ان شاء الله
جربي تسيرين اي بنك تسالين بس
بس اظن مايستوي
