انا من زمان والدة بس بغيت اخبركم بقصتي للفائدة
.
.
.
انا عندي بنت وولد وبعد الولاد مباشرة حملت..
و بشهر الخامس صار عندنا مشكلة كبيرة بالعائلة وحزنت وايد وايد وكنت من كثر الصياح احس راسي بينفجر وبعد تقريبا اسبوعين حسيت على نفسي وان فاقدة حركة الطفل الي تحرك مرة وحدة بشهر الخامس واسبوع
وانا كنت داخلة بشهر السادس لما سرت اسوي سونار طلع للأسف ميت من اسبوعين وانا ما ادري عنه … والسبب هو انقطاع المشيمة…
سرت لمستشفى خليفة وقالت انتظري لين يجيك الطلق وصج يومين وياني الطلق وكأنه طبيعي سبحان الله وولدته طبيعي بعد وكان ولد!!!!
والحمدلله على كل حال
بعده 8 اشهر حملت مرة ثانية والله تعذبت يا بنات عذاب بالحمال هذا غير غير من الشهر الاول وحام وترجيع ونزيف بالشهر الثاني لما سرت لمستشفى خليفة بعجمان اعطتني الدكتورة مثبتات الحمل ابر لمدة شهر تقريبا وانقطع الدم
وقالت سيري افتحي ملف وراجعينا لأني كنت حامل على اللولب وقالت عادي الطفل طبيعي من نمو ووزن ونبضات ليييين الشهر الخامس واسبوع بعد شو صـــــــــــــــار..
..
.
.
صار عندي الآم ولادة يوم الجمعة بالليل ثاني يوم الظهر سرت المستشفى
الدكتورة تضحك علي تقول الآم ولادة بشهر الخامس انت من صدقج؟!!
وما سوت شيء غير ابرة تثبيت حمل
واستمر الألم واستمر واستمر لين يوم الاثنين وكل شوي اسير المستشفى ما سوولي شيء…
يوم الاثنين زاد الالم وريلي مب موجود قمت من حرقتي اصااااااارخ قلت لو حتى الجيران يجون بس حد يحس فيني ريلي يقول تتخيلين بسبه الولد الي مات قبل!!!
تميت لين بعدين شفت نفسي انزف يالله اتصلت لريلي قلت له ما اقدر وديني لأن ريلي مل من كثر ما اخذني للمستشفى وما عملو شيء هناك..
سرت قالت الدكتورة اجهاض وعندك توسع وبنخليج عشان ولادة خلاص …
قهـــــــــــــــر
الــــــــــــــم
وما ابغي افقده!!
يا بنات يتحرك من الشهر الرابع وتعلقت فيه لكن قدر الله ما شاء فعل وولدته طبيعي وتصدقون قبل لا يطلع بثواني كان يتحرك ببطني بس سبحان الله بعده صغير وما مكتمل ومات…
طيب شو الســــــبب في الاجهاض؟؟؟!!!
السبب الطفل الي مات قبل وغلطت الدكتورة انها ما سوت لي ربط بشهر الثاني من الحمل هذا لأن كل وحدة اجهضت وحملت بعد الاجهاض لازم تعمل ربط بالطفل الثاني وانا ولا ادري…
وقلت توبة اسير لمستشفى حكومي كل يوم دكتورة شايفتني وما تعرف حالتي …
ادعولي ربي يعوضني بأحسن منهم ويصبرني ما اقدر احمل الحين الا ربط بالرحم ….
استغفر الله
لا حول ولا قوة الا بالله
طيور فالجنه ان شاءالله …وبيشفعون لج ولريلج..
وكل شي الله كتبه فيه خير لج…لا تتضايقين
والله يرزقج بالذريه الصالحه..
الله يعوضج خير اختيه ..
والله يسآمحهم ع عدم اهتمآمهم ..
طيور بالجنه بإذن الله ..
الحمدالله على كل حال حبيبتي المهم صحتج..
أنا عارفه بالاحساس اللي مريتي فيه لأني خسرت بنتين فالشهر السادس وألم ولاده وتعب وفالأخير الأطفال ميتين
قدر الله وماشاء فعل هذيل طيور فالجنه وباذن الله بيشفعون لنا يوم القيامه..لازم مانزعل ونفرح ان رب العالمين يحبنا ويختبر مدى صبرنا..أنا كنت تعبانه وأصيح وأفكر لكن فالنهايه اللي راح راح وحسيت نفسي غبيه لأن هذيل بيشفعون لنا يوم القيامه..الله كريم حبيبتي وقادر ع كل شي وبيعوضنا خير يارب..
