السلام عليكم ورحمة الله وبركاته
خواتي سورة البقره ما شاء الله فيها من الخير الكثير هذي السوره بينتلي وحده حقوده وإن الله حافظنا منها واكيد بفضل سورة البقره لاني من يوم صرت اقراها في الليل صرت احلام بأحلام تخوف
بس ما كنت اهتم
بصراحه استغفر الله كنت أقول الله اكيد مو راضي عني لاني كنت افسره جي مع إني الحمدلله ملتزمه
بعدين استغفر ربي واقول مهما كان هو ربي يحبني وراضي عني واقنع نفسي بهالشي
وما كنت احاول افسر أحلامي ما اهتميت فيها
بعدها قبل يومين حلمت حلم وقلت خليني اكتبه عشان اعرف شو السالفه وفسرتلي إياها المفسره جزاها الله خير غاليه الروح
قالتلي في وحده تؤذي الوالده وتسوي عمرها طيبه بس لايغرج هالشي وقالت لازم نحذر منها وان الله معاكم وما بيضركم عملها
وعرفت منو هذي الوحده وكلام المفسره غاليه الروح كله ما شاء الله كان صدق جزاها الله خير
والحين يوم تذكرت اني من يوم كنت اقرا سورة البقره بس صارت تييني هالأحلام
وعرفت ان الله بفضل سورة البقره اللي معروفه إنها تبعد الشياطين حذرني من وحده حسوده وعرفت ان الله بهالأحلام كان يحذرني مو غضب علي استغفر الله
قلت لازم اخبر خواتي عن فضل السورة وبركتها وإحسانها
والله يبعد عنا شياطين الجن والإنس ويجعل كيدهم في نحورهم
خواتي نصيحة لكم تقرونها بس مو تقولون بنجرب لا كوني واثقه من رب العالمين
انا كنت اقرا عنها في المنتديات وفي هذا المنتدى بعد قريت عن فضل سورة البقره وقريتها مع إني كنت اقراها مو لنيه معينه كنت اقراها عشان آخذ فضلها وبركتها والحمدلله
والله يا خواتي لا هي طويله ولا شي تاخذ مني ساعه ونص بس
اقروها جزاكم الله خير والله يحفظكم من كل شي
خواتي لا تنسوني من دعاكم أمانه بس ثانيه ادعيلي الحين إن الله يستجيب لدعائي
ويزاكم الله خيري الدنيا والآخره
ربي اغفر للمسلمين و المسلمات و المؤمنين و المؤمنات الاموات منهم و الاحياء
سبحانك لا اله الا انت اني كنت من الظالمين
ربي لا تذرني فردا و انت خير الوارثين
و يبعد عنج الشر
والحمد لله رب العالمين
وإن شاء الله على طول باقراها
