من فترة سوينا كب كيك وقلت بعرض الصور عندكن …
انا خذت طريقة الكيك نفسه من موقع اجنبي … والتزيين لج مطلق الحريه فيه طبعا
المقادير … بالغرامات ..
150 غرام زبده ناعمه ..
150 غرام سكر ناعم ( castor)
175غرام طحين بالخميرة او ذاتي الاختمار ..
3 بيضات
ملعقة شاي فانيلا ..
وطبعا اذا على كاكاو تزيدين كاكاو بودرة
الطريقة..
سخني الفرن وجهزي صينية الكب كيك وحطي فيها الاوراق
اخفقي البيض بشوكه وبعدين ضيفي المقادير الثانيه واخفقيهم بالمضرب الكهربائي
لمدة دقيقتين لين يغدي شرات الكريما ..
وحطي مقدار ملعقه متروسه في كل ورقة وخبزيهم لمدة 20 تقريبا او لين يستوي ..
وبعد ماتبرد كيكاتج زينيهن ..
طبعا للتزيين استخدمت كريما جاهزه واشياء خذتها من قسم الكيك من السوبرماركت
كاكاو وغيره يعني انتي حره تبدعين مثل ماتبين ..
وبالعافيه
وهذه الصور …
وحلاتهم والله شكلهم خيال
الله يسلمج اخت انسات ..
شكطرا لكن مروركن ..
اعرف هااي الطريقه وتطلع الكيك رائعه
تسلم ايدج الغاليه على الكب كيك الغاوي
لا تحرمينا من اطباااقج الجميله
