حاليا انا اقرا كتاب اسمه taking charge of your fertility وهو مشهور برع في امريكا وايد الحريم يقرنه ويستفيدن منه سواء إلي تبغي تحمل وإلي ما تبغي تحمل وااااااااااااايد فيه معلومات صراحه يديدة وتعلمت منه وايد وحاليا واصلة الجزء 6 واحس وايد تعلمت وقلت بفيد خواتي بالذات إلي يبون يتعلمون بس ما يعرفون انجليزي وان إن شاء الله راح احط من صور ومعلومات كل ما قريت شي مفيد وبخليه متجدد علشان الكل يستفيد ولا تنسوني من دعواتكم الحلوة وهذا شكل الكتاب
المعلومة الأولى
اذا بغيتي تتأكدين ان الإفرازات إلي تنزل لج هي افرازت التبويض فهي تكون زلاليه مثل زلال البيض وفيها خاصيه انها مطاطية خذي الأفرازات وضعيها في كوب ماء اذا نزلن في قعر الكوب فهي افرازات التبويض اما اذا ذابت واختفت فهي افرازات عادية
غاليتي من وين خذتيه بالمول ؟؟
حابة اشتريه
مشكوره اختي ومن متابعينج
المعلومة الثانية
الأنثى تولد بجميع بويضاتها يعني مش كل شهر تنتجين بويضة انتي كل شهر تنزل منج بويضة من المخزون إلي عندج واذا خلص خلاص ما تستطيعين انتاج بويضات نهائيا وغالبا يكون هذا في سن 50 بس إلي تسمعون عنها حملت وربت وهي في 60 او حتى 70 معناته بعده عندها مخزون والدورة تنزل عندها
الرجل يولد بدون حيوانات منوية وماتتكون لين سن البلوغ وتضل عنده لين الممات علشان جي يقولون لكم عمره 80 او 90 وبعده ينجب وهذا طبيعي بالنسبة للرجل
