كل جديد يخص التوظيف في مجلس ابوظبي للتعليم للعام الدراسي الجديد 2024)

السلام عليكم ورحمة الله وبركاته

اشحالكن يا حلوات ؟؟

نزلت هالموضوع عشان نتبادل تجاربنا وجديدنا في كل ما يخص توظيفنا في مجلس ابوظبي للتعليم ( يعني للمعلمات)..

والحين بخبركن عن نفسي

انا خلصت المقابلة بس كنت دفعة شهر 2 وكملت كل الاجراءات وانتظر التعيين

يوم اتصل المجلس يقولون لي رفعنا الاسماء للتعيين ولازم اتريا

ان شاء الله خير

انا يوم سألتهم قالوا التعينات بتنزل شهر 7 ان شاء الله

وعليج السلام
شكراً لفتح الموضوع
والله ييسرلنا أمورنا ويرزقنا يارب
انتن من بوظبي والا العين؟
اختي دقايق متى سألتي ؟ بين فترة وفترة احس تختلف اجاباتهم

انا من بوظبي

قبل اسبوعين تقريبا ريلي راح لهم وسأل خالد العبري وقال له بداية شهر
7 بتوضح الامور وتطلع التعينات ان شاء الله  

ان شاء خير
انا اتصلوا بي في شهر خمسة وقالوا لي راح يكون في تعينات هالفترة .. نرفع اسمج معاهم ولا لا.. وعقب كنت اتصل بهم يقولون رفعنا الاسماء ونتريا ااموافقة
وبس
بس عقبها ما عندي اي فكرة عن الموضوع ولا حد اتصل

يعني بس للمعلمات يا ريت أي وحده تعرف وظايف شاغره في مدارس البنات تخبرنا نحن خريجات مواطنات ونرغب بالعمل في المدارس الحكوميه في أبوظبي مثلا الإداره أو المكتبه أو شغله مناسبه …. اللي تعرف شي تفيدني و يزاكم الله خير

ما اعتقد ان التعينات بس للمعلمات اكيد في تعيينات للاداريات خصوصاً ان العام الدراسي القادم بيكون في مدارس جديده ودمج مدارس وان شا الله يكون في شواغر … انا مقدمه عندهم من 3 سنوات لوظيفة سكرتيره وكل سنة يقول السنه الجايه ان شاء الله هالمره يطلع التعيين