الفترة الاخير لاحظت اكثر عن وحده تنزل موضوع >>> ونفس النقطة تتكرر ف كل المواضيع
انا مب متوفقه ف حياتي ( الخطاطيب يشردون،ماحد تجدم لي او اللي يتجدم لي مايرد … والوظايف اطير من ايدي ، وفلانه توظفت قبلي …وووو )
وابى اروح عند مطوع يقرا علي اكييييييييييييييييد عين او حسد او عمل ..
دقيقه بس….
قبل لا نفكر انه عين او حسد او عمل >>> ليش مانفكر بطريقه ثانيه ؟؟؟
هذا نصيب ورزق مكتوب من يوم كنا في بطون امهاتنا.. رب العالمين كاتب هالشي .. ومقدر هالامور
كلها ولحكمه وخيره للعبد نفسه
ليش ما الوحده ترضى برزقها ونصيبها … وتقول هذا رب العالمين كاتبنه ؟؟ ليش ما اصبر وارضى ؟؟
وعلى فكرة ومرتبه الرضا فوق مرتبه الصبر ومب كل احد عنده هالمرتبه ..
صدق
اللي استغرب منه اي شي يصير .. يعقوا اللوم ع الحسد والعين والسحر >>>> انا ما انكر هالشي موجود ..
بس لا نعلق الامور على هالشماعه ..كل شي قلنا عمل ..سحر..
الوحده تتوكل على ربها .. وترضى بحياتها … وتقول الحمدلله انا اهون من غيري .. ولا تتبرم من
رزقها كل شي بحكمه وقدر ..والانسان ماراح يموت الا وهو مستوفي رزقه كامل
والسموحه
عندناا ناس كل شي عندهم حسد وعين
واى شي ما يتم لهم اكيد بيكون حسد
الحمدلله والشكر لازم الانسان يكون
مؤمن بقدر خيره وشره
لهم عين وحسد 00مب حااطين في باالهم الاختباار من الله تعاالى
والقضااء والقدر0
والمكتووب ماا منه مهرووب
يسلمووو الغلا
كلامج صح
الواحد حتى ما يعرف شو يسوي
كلما صار شي قالوا حسد
بنتهم مرضت قالوا حسدوها ..
ولدهم سوا حادث قالوا عين
اختهم تفركشت خطبتها قالوا حسد
الواحد يخلي عقله أكبر عن جيه
صح الحسد والعين موجودين .. بس ما كلما صار شي قلتوا حسد وعين ^_^
سبحـــان الله الانســـان من استوى له شي يعق المسؤوليــة على غيره ,, حتى الحسد ماسلم للاسف !
والمشكلــة ان الانســــان يوم يقول أنا محسود ومسوين لي عمل ,, يحبط ويفقد ثقته في الله سبحانه وتعالى ,, وينسى حسن الظن ,, وان كل شي موجود في هذي الدنيا لحكمــة
لو عرفنا دينا عدل ,, وعرفنا ان كل الي يستوي لنا هو خير الامور لنا ,, ولولا رحمة الله سبحانه وتعالــى علينا لكنا نموت على 5 سنوات من الصدمات الي بتيينا
الحمدلله رب العالمين خلقنا لحكمـة ,, نعيش سعداء ونموت سعداء
واي شي يستوي لنا فهو طريقــة لهذي السعادة
سواء نحن نشوفه زين أم لا …
والحمدلله الذي علمنا ,, ونفعنا بما علمنا
أحبك في الله اختي الغالية ^_^
أنا بعد انقهر يوم يقولون عمل و لا سحر
احينه الناس فاضين يسوونلج حقج سحر.. هههههه
العين حق.. ما اقول لا
بس كل شي عقوه ع العين و السحر
ما يقولون هذا مش نصيبي
لا إلا و نصيبها
هههه.. الله يعين و الله
