كم مره غمى عليج في حمالج؟؟

صباحكم الخير

اتصدقون يابنات ان امس جرت علي حالة خلت الكل يزيغ ويخاف علي
يوم خلصت الشاور مالي تلبست جان احس بدوخه توني اظهر من الحمام "الله يعزكم" الا ويغمى علي واطيح عند الباب.. والله سلم ان الخدامه كانت ماره حذالي وتمت تصارخ وتيمعو علي الخدم وانا في خبر كان وللاسف ما كان حد في البيت الا انا وبنتي الصغيرة وريلي كان في مكتبه يذاكر في البيت, والخدم تمن يصارخن وانا ولا حسيت بحد وبعدين مساكين نادوا ريلي شلني وداني الغرفة وتميت نص ساعة لين وعيت من بعد ماسقوني شويه ماي وشي حالي,, وبعدين حسيت بضعف في جسمي والخدم خافو يقولن انجلب لوني وصرت مول ناشفة عسب جي الكل يصارخ وبنتي فديتها عند ريولي تلعب ولا تدري بالدنيا… على فكرة انا حامل ببداية الرابع… عاد هالحركة ثاني مره تستويلي واختي تقول عادي
كمن وحده صادها هالشي.. يعني هبوط في الدم..بليزبروني وكل وحده شو سوت؟؟
الله يحفظنا جميعا ويحفظ عيالنا

في بدايات حملي كنت احس ابدوخه ودوار

بس تحملي ع نفسج مناتحسين ابدورة اقعدي …لان الطيحه اتظر

مشكورة حبيبتي
بس يوم اطيح ما احس بعمري الا وانا طايحه.. يعني فاقدة للوعي نوعا ما

3 مرااااات

انتي في اي شهر الحينه؟؟
شو كنتي تسوين يوم يستوي بج هالشي؟؟

انا في بداية الرابع اغمى علي مرة وحدة بس كنا انا وريلي طالعين وقررنا ندخل اشوف فلم في احد المولات وشوي احس بدوخة وتميت اعرق بشكل فضيع والدنيا مظلمة قلت اخبر ريلي احسن خبرته وكان في لايدينه علبة فانتا جان يشربني شوي مع انه مانع هالاشياء عني بس قال لي اكيد هبوط ويلسني على الكرسي وانا ما ادري حطيت راسي على صدره وودعت يمكن لمدة ربع ساعة وعقب بديت انش شوي شوي قالي يلا على المستشفى وانا ابا شوف الفلم ودخلنل وشفنا الفلم وهو يحاتي وانا مندمجة في الفلم

أول مره في ثالث يوم العيد حسيت الدنيا قتمت فعيني وفجاه طحت تميت عالحال هذا دقايق عقب فقت والحين ما يغمى عليه بس اذا ييت انش أحس راسي ايدور بس