اتمنى المساعدة
انا بنتي عمرها 4 سنوات و3 شهور ،، والسنة هاذي دخليتها كيجي تو ،، المفروض اللي بعمرها يكون كيجي ون ،، بس السنة اللي طافت كانت كيجي ون بمدرسة ثانية،،
المشكلة
انها ابدا مب راضية تمسك القلم بروحها وتكتب من نفسها ،، ولا تمشي على النقط بالطريقة الصحيحة ،، تعبت من الصراخ ومن التعليم ،، بالي مش طويل معاها ،، العام كنت امسك ايدها وقلت السنة بتكبر من نفسها بتتعلم وبتكتب ،، بس الله يهديها من اشد عليها واقولها اتعلمي تكتبين بروحج على طول تتشكى ماما بس ايدي عورتني !!!!!!!!!!!
اريد الحل
ولدي الله يحفظه ثلاث سنوات وجم شهر في كي جي 1 ..
و أحين بديت معاه بطريقه الكتابه الصحيحه كنت أدربه قبل لكن ما كان يستجيب ..
وانتي كان المفروض تبدين وياها من الكي جي 1 لانهم اصلا يكتبون في الروضه هناك !!
المهم حبوبه …
هاتيلها كتاب تعليم الأرقام كبدايه .. أو بامكانج تيبين حقها دفتر وانتي تكتبين حقها اللي تبينه …
انا سويت الاثنين …
اكتبي في الدفتر رقم واحد منقط بكبر الصفحه و فهميها انه هذا رقم واحد و قوليلها يا الله اكتبي على النقط واذا كتبتي الصفحه كلها وخلصتيها بييب لج هديه بالونه مثلا ^^ أو بخليج تلعبين في لعبه تحبها أو اي شي تحبه يكون حافز لها …
و عقب امسكي ايدها وخليها تمسك القلم بالطريقه الصحيحه وقوليلها شوفيني كيف انا ماسكه القلم ابغيج تمسكينه نفسي بالضبط علشان تعرفين تكتبين صح وتستوين شاطره ^^
و امسكي ايدها و هي تكتب اول صفحه وعقب اكتبيلها صفحه ثانيه وخليها تكتبها بروحها وراقبيها واهم شي انه مسكتها للقلم تكون صحيحه واذا خربطت نبهيها انه جي غلط …
وان شاء الله اشوي اشوي بتحسن من مستواها للأفضل ..
بس حببيها للقلم والورقه اهم شي عسب ما تكره الكتابه …
يعني انا ولدي عقب ما يخلص كتابه الصفحه اصفق له وابوسه و اقوله شااااااااطر بطل برافوو عليك واحين بييب لك هديه حلوووووه واعطيه بالونه خخخخ و احط له استيكر على الصفحه اللي كتب فيها ..
عاد ولدي ما يبا استيكارات النجوم وهالخرابيط .. مختار استيكارات توم وجيري وعاد انا خاشتنهم عنه وكل ما يكتب اطلع له واقوله اختار صوره واحين قام يوم يخلص يقول انا ابا الصق الستيكر ويلصقهم على العابه خخخخ
وان شاء الله يا رب مع الايام بيتعودون ومع التدريب طبعا ..
بس اتأكدي من المدرسه انهم بعد يدققون على طريقه كتابتها لانه هم لهم دور بعد ^^
و ربي يوفق عيالنا أجمعيـــــــــــــــن …
واذ هي عندها رسوم اتحب اتشوفها خليها ترسمهم
وسوي لعبه وياااه
انها ترسم كل شي حولها واحسبي لها الوقت ..وعقب اذ شخبطت اي شي امدحيهاااا
وخليها ترسم شي وحد وكبير يكوون مثلا تلفزيوون او تلفون بتاااحول وبتحس روحها شاطره وبتبدع وبتتعود ايدها ع مسكة القلم
ليش يكتبونهم في الكيجي ون وتو عسب تقوى عضلات ايديهم ع الكتابه
خبرينا بالنتايج ويا الحبوبه
