بعد ماتعرضت للخيانة الزوجية وتعبت اعصابي واااايد على الفاضي وحال ريلي ما قاعد يتعدل قلت خلاااااص طاااااااااااااااااااااااااااااااااااااف وبالقو .
محد يستاهل اني احرق اعصابي عشانه انا افكر في بنتي وكيف اونسها واونس نفسي بس .
وقررت اني اتعدل واتكشخ لنفسي وابا كل حد يمدحني ويمدح كشختي وابا اكون ملفتة للنظر وابا اشتري كل شي ماركة من شنطة وساعة والخ…… وابا مساعدتكم بنات ابا يكون عندي كل شي من الماسات وذهبان و نعول الخ.. كيف انسق في كل شهر
ومو شرط كل شي كشخه لازم يكون ماركه سيري الموول وترفري وشتري الي خاطرج فيج……
وفصليلج كمن عباه كشخه بس مو تكون عبي عرووس خخخ
شوفي كل شي حسب ميزانيه الواحد
والله يسهل اموورج واحسن الشي لوحده تتهتم بنفسها وطنش كل الي يضايق بهااا
اممممممممم نصيحه دشي قسم ازياء وموضه
سيري السبا سويلج فيشال ومساج منكير وبدكير ..قصي شعرج وسويلج لوك يديد..بتحسين انج وحده ثانيه…بترتاحين.
واتمنالج ان الله يهديلج ريلج ويبعد بنات الحرام عنكم ..وادعيله بالهدايه في صلاتج..وانتى بعدج في اول حياتج
شوفي شو المشكله اللى خلت ريلج يخونج..وصلحي اوضاعج معاه وخليه ينبهر بشخصيتج اليديده والغامضه عليه..صدقيني بيتم يفكر فيج ..وبيصلح اخطائه معاج..
يتك تحلو والحياة مريرة وليتك ترضى والانام غضاب وليت مابيني وبينك عامر ومابيني وبين الناس خراب اذا صح منك الود فالكل هين وكـل مافـوق التـراب تــراب
اختي الغاليه قبل ماتفكري باي شي
هل فكرتي تصلحين مابينج وبين ربج؟ اغلب ذنوبنا تكون سبب لمانمر به
وهذي فرصه لتزودي بالايمان وتقوي علاقتج بالله وتتأملي تفاه البشر حين يسلط الله شهواتهم عليهم
نعـم اخيه… هو في محنه ومعصيه وابتلاء عظيم فمن سلط الله نفسه عليه صار من اتعس اتعس البشر
فلاتنتظري مديحا من اي شخص سواء رجل او أمرأه … انتظري ثوابك من رب العالمين
وفقك الله
غاليتي 
!
الكشخـــة الزايدة طمعا في جذب الانتباه ..
صدقيني مجرد تعبئة لفراغ عاطفي داخل النفس
والناس ترى ما يعيبها العجب
لو تكشختي واستويتي أكثر وحدة جذابة في العالم
بعد الناس بتنتقدج وما بتخليج في حالج !!
أنا طبعا أتكلم عن الكشخــة الحلال الي بين المحارم
أما مالت برى فكلنا نعرف شو تستوي سمعت البنيــة بها
وأنا متأكدة ان مب الثانية الي تقصديـــن ^_*
بس الي بغيت اقولج اختي بدال لا تغطين على مشاكلج بشي بيضيع بيزاتج وما بتوصلين فيه للراحــة النفسيــة
اختي الغالية راجعي نفسج عدل
وتأكدي انج مب مقصرة مع ريلج
والمفروض انج دوم تكونين متكشخــة حقه اختي الغالية مب الحين الي انتو متخاصمين ^_^
حاولي تشوفين مستشارة اسريــة
وتحضرين دورات لكسب الثقــة في الذات ولفن التعامل مع الزوج
صدقيني طوري من ذاتج وارقي بنفسج فيما يرضي الله ^_^
وبتحصلين ريلج بين ايدينج يعشقج ,, إلا اذا كان مريض أو فيه خلل
فهذا النوع اصلا أنصحج بالابتعـــأد عنه
لإن رب العالمين خلقنا لنعيش سعداء في حياتنــأ ومحد يستاهل زعلنـــا ^_^
خلج ايجابيــة ودوري على الحلول الايجابية الدائمـــة ومب المؤقتــة الي لذتها تدوم ساعــة
والله يوفقج يارب
