الموضوع اللي اريد افتحه للنقاش اليوم انا شخصيا ما مريت فيه وهو غريب علي ويمكن يوم بتقرونه بتحسون انه غريب بس تمر فيه انسانه غاليه علي واللي شجعني احط هذا الموضوع للنقاش هو ردودكم على المواضيع اللي ساعات وايد احس صدق الواحد يستفيد منها………..
الموضوع وما فيه تعتقدون فيه بنت طبيعيه عمرها 26 تحب وتتعلق بواحد عمره 50 مديرها في الدوام لا وحب من طرف واحد يعني هي تموت عليه بس هو عادي يعني طيب معاها بس هو انسان جدا طيب ومحترم مع كل الناس مافي شي اسبشل معاها بس المينونه تحبه وتتمنى تتزوجه قولولي شو رايكم فيها مع العلم انها بنت وايد محترمه وعقلها يوزن بلد وخجوله وحلوه وما تعرف هذي الحركات وحتى حبها له ما صارحت اي حد فيه بس انا الوحيده لاني قريبه منها وبالعكس هي اصلا تستحي منه بس تتمنى وتدعي من الله انه يكون من نصيبها. انا عن نفسي اقولها دايما انت مينونه مستحيل انت تكونين اللي انا اعرفها تقولي الانسان يقدر يتحكم باي شي الا قلبه!!!!!!!! شو رايكم
تبين الصراحة انا يوم كنت رايحة اشتغل بالصيفي كان معانا بالدوام شباب اكبر عني بس انا وايد كنت محترمة معاهم بس لفت نظري واحد لانه كان واايد مهتم ويسال ةيعني كنت افرح يوم اللقيه اقول هذا احسن واااحد
ربيعتج شكلها مثلي حصلت الاحترام منها والاهتمام
يعني الرييال ما بين لها اي شي
على اي اساس اتحبه
أكيد الريال عايش حياته مع اسرته و عياله لا تدخل عرض بينهن
و الله يرزقها بالزوج الصاااالح
واتخلي هالريال في حال سبيله
أنا دكتوري في الجامعه كان يباني وخطبني وعمره تقريباً 44 بس مارظييييت
أحس وايد فررق في العمرر ,,,, خليهاا تفكر بعقلها اشوي !
اكيد دامه 50 عنده عيال و حرمه
شو حتى اذا كان حب عذري
لازم اتفكر يعني كيف واحد بينسى حرمته و عياله و بيبادلها مثل هالشعور
ربما صديقتك فاقدة للحنان
حنان الاب كما يصح القول
ورأت ان هذا الرجل ممكن ان يوفر لها هذا الحنان
ربما تكون واهمه
لان احيانا العقل البشري يصور الاشياء كما يحبها القلب
اتمنى ان تكون مشاعر لاتتعدى مرحلة النزوه
وان كانت هناك احتمالية التعمق في المشاعر
اعتقد انها من الاصح ان تنقل الى وظيفة اخرى بعيده عنه
او على الاقل
الى قسم آخر هو لا يتواجد به
هدانا الله واياها 
