لبس العباه فالسفر في الدول الاوروبيه؟؟

مرحبا خواني
باختصار..بداية الشهر بسافر فرنسا شهر كامل تقريبا
بس ريلي مايباني البس عباه هناك..يقولي لبسي كويتي محد لبس عباه هناك..والكل بيتم يطالعج وانت لابسه العباه..وانا ابا البس عباه واسكارفات..متدري شوو رايكم؟؟تنصحوني؟؟وانتووو تلبسوون عباه فالسفر ولا؟؟؟؟؟؟؟

ممكن بنات يعارضوني هههه ولكن أنا مع ريلج يعني دامج متحجبه وكل شي لا تلبسين لأنه انا عن نفسي ما ألبس وكله ألبس لبس يعني طويل وجذي حلو عادي … وطبعا حجابات وشيل عادي

روحي وأستانسي

أنا مع الاخت ساحرة العين إذا كان اللبس محترم ومحتشم وطويل

اهم شي يكون ساتر

توكلي عربج واستانسي ويا ريلج

نحن كله نلبس كويتي يوم نسافر بس الحمدلله يكون ساتر للجسم

رحله موفقه الغاليه

والله حيرتوني خواتي..الصراحه ماعرف شو البس عباه ولا ماالبسوانا الحمدالله متحجبه فبلادي ولا برع بلادي ولبسي محتشم بشهادة الجميع
…مع اتي حامل فبداية الشهور…. في الرابع بس انا رشيقه مايبن الحمل عليه الا فاخر الشهور..يقولي كل مانسير مكان كل حد بيتم يطالعج لابسه عباه..لبسيها فالمطار بس…بشوف الاخوات الثانيه بيلبسن عباه ولا؟؟؟؟اخاف اكون بروحي لابسه عباههناك ههههه….بسيباله تنسيق الاسكارفات منسق ويا البس اما تحت العباه عادي مايضر ماينشاف^_^…
بانتظار نصايح الاخوات……..

أنا عن نفسي لو أسافر أي مكان بلبس عباة مسكرة

وعندي سؤال….

برايج… منو اللي محتشمة أكثر؟؟؟

وحدة لابسة لبس طويل فضفاض محتشم… ولا وحدة لابسة عباة كلها كريستالات ودانتيل وما أعرف شو.. وريحة العطر من بعد ميل؟؟؟

يعني العباة ما تحتم على الإنسان احتشامه…. يمكن تلبسين عباة ملفتة.. بينما تكون ملابسج ما تلفت انتباه أحد

الله يوفقج يا رب

انا اشوف عادي
خليك على عبايتك
الاجانب تعودوا على شكل العباءة
فصلي لك عباءة ملونة غير الاسود