في عضوة دووووووووبه صكت رسايلي فـــللل وهي تتشرط 
دامج حلفتي احطها قبل سفرتيه بالويكند , تــــــــــــــم 
فديتكن والله ع قلبي جميع وها ان دل بيدل ع ثقتكن فيني , احاول امسح قد ماقدر واذ امتلى الصندوق سامحوني
نشدتوني عن توريد الشفايف بالعكر الفاسي وحطيت الخلطة بس هالمرة بحطلكم الثانية بدون العكر
البعض قال مانفعه وجي , ارجع واقول لازم اصليين الفازلين المعروف والعكر الفاسي او بودرة دم الغزال الاصليه
شي اكيد اي شي مب اصلي مابيعطي نتيجة والاهم من ها كلللللله التقشيررررر
بليا تقشير مافي اييييييي نتيجة , خذي اي طريقة اسهل عليج للتقشير او الترطيب
ومن عقبها فرشاة اسنان جديمة وافركي بشكل خفيف ..
مهما كانت الامور الي بنحطها تراها ألوان مؤقته اما التقشير هذا او الترطيب بيفيد فـ تفتيح اللون بشكل طبيعي
مب تخبصونهم كلهم رباعه لا خذي واحد منهم بس
1- سكر وزيت زيتون
2- قطرات ليمون
3- عسل
4- زيت لوز
5- زبدة شيا
6 – فازلين
7 – زيت جلسرين
عموما / ها روج موّرد او روج منزلي سموه بأي اسم تبونه
لما أبات ف بيت حد من الاهل احطها لازم نخق حبتين ونسوي حركات منكر وكذا 
او لما اطلع طلعة عادية , لاني احب اللوك الطبيعي ويتم وايد ويايه كلت وشربت وغيره صحيح يخف بس بالقليل شي لون
مب جني ماشية في صحرا وكل شوي اضطر احط مسحة روج او جلوس <– اكره حياتي والله 
بس لو كنت ف بيتنا قبل النوم احط الخلطة الاولى أريّح لي
عموماً هذي تنفع لأي وقت ,, وللمتزوجات اكثر 
من العيازة يشترون مثل هالخلطات بـ 100 وفوق واذ انتي سويتيها بنفسج ماتكلفج 20 درهم @@
المكونات من اسهل مايكوون وماتكلف ابد ابد تنفع للجميع <– حسستكم هاه
1- فازلين
1- مرطب شفايف واقي شمس مثل بالمرز الي بزبدة الكاكاو ( نسيت اصوره )
أو
1 – روج سحري بو 10 او 40 او 80 من الصناعة الاسيوية او الامريكية او الفرنسية ,, لا فررررق
عندي الـ 3 صناعات بس اخترت المعروف عشان لا تحتارون
1- BORN LIPPY من بودي شوب – النكهة الي تبينها عاد ياكثررر النكهات هناك ع كيف كيفج ورخيص
أو
وأخيراً 1- علبة صغيرة
نرد نعيد
فازلين – مرطب واقي شمس – روج سحري – BORN LIPPY – علبة صغيرة
نخلط المقادير الي تبونها ونحطها فالعلبة وكل ماتبين حطي , ترااااااااااااا ,, اسهل من جي ماشي 
الي بتشوف انها مب قادرة تخلط الروج السحري وياهم
تحط قطعة منه في ملعقة وتشغل شمعة او نار خفيفة تحت الملعقة لين يلين شوي ومن ثم تخلطهم
لون حلو ريحة ولا احلى وليونة مع ترطيب ووقاية من اشعة الشمس عسبة لا يسود من الفازلين
ملاحظات ع الطاير :
بعض البنات الله يهداهن قالن ان الخلطة الاولى مالت العكر تصبغ فاليد
اكيد بتصبغ حطيها بفرشاة روج @@ وهذي بعد
حاولي تقايسين المقادير انتي وشطارتج لاتكثرين ولا تقللين كل شي متساوي حلووو
لـ لوك أحلى حطي جلوس من ألوان البيج او الشفاف فوقه لاتخبصينها بشرف وتحطين جلوس بألوان ثانية وتجلبين ثمج ليتات 
ووووووووو شسمه
الي يقول الروج السحري مب زين ومضر , تراه من سنة يدي لا فيه رصاص ولا هم يحزنون
المضر انج تاكلينه أكل وهذا شي طبيعي الي ياكل مستحضر تجميلي بيضره 
مايبالها سالفة ..
ماظن حد صاحي بياكل روج .. ولو بتقولون حزة شربي واكلي وانا حاطتنه
بقولج ان الفازلين والـ BORN LIPPY مثل الطبقة الدهنية ع الشفاة
واخيراً
الي تخاف شفاتها تسود من الفازلين فالنهار
تستغنى عن مرطب الشفايف الواقي من الشمس فالخلطة
وتحطه قبل ع شفاتها كطبقة , بعدين هالروج طبقة ثانية =)
موووووووودتي , حرمة سيف
موفقة يارب
