تجربه جربتها احدى المدارس في الدوله…بامارة دبي…
لحد من انتشار ظاهره البويات في المدارس…
والي قالتلي هالقصه اتصيرت اخت وحده من المدرسات الي شاركن الحمله.. (وهي صديقتي المقربه جدا)…
اتمنى كل مدارس الدولة اتجرب هالتجربة…لان بالفعل نجحت مع مدرسة اخت صديقتي…
فقلت انقله لكم…عشان المدرسات او الاداريات المدارس المتواجدات معانا يستفيدون من هالتجربه وايطبقونها…
بسم الله نبتدي…
قامت مجموعة كبيرة من المدرسات بجمع مبلغ مالي…والله ماعرف كم جمعوا…المهم كان المبلغ كبير…
ومن ثم قامت المدرسات بجمع جميع البويات في فصل واحد…بدأوا ايكلمونهم عن عن هذه الظاهره العاقة التي لا تمت بعاداتنا وتقاليدنا اي صله…
ومن ثم قاموا المدرسات بتصوير جميع البويات… (بعدين بقولكم ليش)
اتوزعوا البويات الي عده مجموعات…لان كل مجموعه بتروح لصالون مختلف…
وكل مجموعه اتقودها 3او 4 مدرسات…
خذوهم وودونهم الصالون…عسب ايغيرون اشكالهم وايرجعونهم بنوتات…
الاشياء الي سوها في الصالون كالتالي:
1… ازاله شعر الوجه (الشنب، اللحيه، الوجه)…
2… قص الشعر…اي ترتيبه…وايقصون القصه…
3… صبغ الشعر…حتى البويه تحس بالفرق…
4… سشوار للشعر…
واشياء ثانيه ما احب اذكرها…
بالطبع وبعدين رجعوا المدرسة…
قامت مدرسه من المدرسات بوضع مساحيق التجميل لها البويات…
يعني عدولهم ورتبوهم…وخلوهم من احلا البنات…
وبعدين في الاخير رجعوا صورهم مره ثانيه بس هالمره بشكل مختلف…
جمعوا كل البويات من جديد…في فصل دراسي…
بدوأ ايكلمون عن البويه في مجتمعانتا كيف انها منبوذه وغير محبوبه والخ…
ايضا بيدوا يذكرون ربهم…ان الله ما راح ايكون راضي عليهم…وذكروا لهم قصص كثيره وميفده (هني دور مدرسه التربيه الاسلامه)…
واتكلموا عن وايد اشياء…بس للاسف ما اذكرها…
وعرضوا الصور على البنات على شكل باوربوينت…
عشان الوحده اتقدر اتميز نفسها كيف كانت وكيف صارت…
ووعدتهم مدرسه الكمبيوتر انها راح تعطيهم الصور (القبل والبعد)…عشان ايحسون بالغلط القذاره الي كانوا عايشين فيها…
بس الاخير التجربه نجحت ميه بالميه…
كل البويات (سابقا) البنات (حاليا) صاحوا واتأثروا جدا…ووعدوا مدرساتهم انهم عمرهم ما بيرجعون للي كانوا فيه…
والحمدالله المدرسه صارت خاليه من البويات…
والطالبات الجديدات صاروا جدا ملتزمات…واصبحوا قمه في الانوثه…
بس لازم المراقبة والمتابعة اتكون مستمره عليهم…
لازم المحاظرات لحد من هالظاهره ايضا تتحاظر في المدرسه بين كل فتره وفتره…
والتوفيق من الله…
ان شاءالله موضوعي عجبكم…
واتمنى كل المدارس اتطبق هالتجربه…
هذا الرابط: https://forum.uaewomen.net/showthread.php?t=411465
اضافه للموضوع…
المدرسات قبل ما اينفذون هالخطوه…استأذنوا من اهالي البويات…
والاهالي رحبوا بالفكره…
والله يهدينا ويستر علينا وعلى بناتنا يارب العالمين
والسموحه منج ويزاج الله خير ختيا
هؤلاء فتيات محتاجات للحنان والعطف ولمن يستمع اليهن
فالبوية مريضة نفسية تفتقد الاسرة وتفتقد الحنان والاهتمام فتبحث عنه بطرق اخرى
نعم المدرسة دورها كبيييييييييييير
بارك الله في هذه المدرسة والقائمين عليها
تجربة تستحق التعميم
ولو ان كل مدرسة عرضت طريقتها الناجحة في علاج البويات
لكان افضل حيث يستفيد الجميع
بارك الله فيك اختى على عرض التجربة
