للمتزوجات والمالجات only

مرحبا بكل البنات والحريم والمالجات والمراهقات اللي لاحقينا من مكان لمكان على قلبي من تحت خخخخ عرفت انكم اول الناس بتدخلون
سؤالي الا وهو لكل وحدة متزوجه بعقد اصلي مع شهود اثنينه هب زواج عرفي او مسيار مادري مسمار ، اذا عرفتي بخيانة زوجج او شفتي صور وصخة بكمبيوتره او مسج في تلفونه شاكة فيه بالصدفه مع ان شياطينا هي اللي توسوس لنا وتحرضنا ان نفتش ويوم نفتش نلقى البلاوي (هذا شيطان مسلم يبالنا الخير ويبا يفتح عيونا) خخخخخ وفي طبعا شيطان اللي يبا يخرب علينا ويسبب ضرايب ويخرب هذا عاد كافر سوالف طبعا
المهم تصارحين ريلج باللي شفتيه ولا تيبيين لنفسج جميع الامراض من كثرة البكاء (فديت العربي الفصحى انا) او تخافين تكلمينه عسب لا يعصب عليج ، عن نفسي اصارحه وقت النوم وقت الراحات واكون جاده ومرحة من ناحيه وعلى اخر ريلاكس طبعا لانه يعرف طبعي ما اخاف اذا كنت على صواب واواجه المشكله بجذورها عسب لا تكبر .
واتمنى اقرا ردودكم ونستفيد من بعضنا البعض

حبيبتي الشيطان مكانه نار جهنم وماشي شيطان مسلم أصلا ((بس للتوضيح)) << صدق مشوطه خخخ

واذا الموضوع عن الصور الوصخه أحسن ما تتم المواجهه لان ما بتييب نتيجه زينه لان الريال أول شي بينحرج،، وحد منهم يستوي عندهم خلاف الموضوع عادي يعني خلاص ما دامج تعرفين بشوف جدامج بعد! البعض يعني مب الكل ،،

الافضل في هالحالات الابلاغ عن المواقع المشبوهه خل يحذفونها خير شر ،، والنصح بطريقه غير مباشره ،، يعني مثلا تحط خلفيه جميله عليها أذكار ولا آيات عشان كل ما فكر يعصي يذكر ربه ،، هممم وبعد ممكن ما تعطيه وقت ييلس على الكمبيوتر بروحه ،، أو تحط الكمبيوتر في مكان بحيث ما يروم يختلي بعمره،، عرفتي لان المواجهه في هالحالات ما تنفع ،، والله يهديه

ملقوقفه
بس عن رايي بصارحه بس بهدوء وينهي علاقاته بكل هدوء وبعيد عن المشاكل

الله يوفقج

بذكاءج ترومين تغيرينه

أنا عن نفسي لو شفت شي من ها الأشياء ف تلفون ريلي بتم أصيح وأنكد عيشته وآخر شي بصارحه بس ف النهاية بنسى وبسامحه وهذي طبيعة كل الحريم طبعا
شر نسوي إذا نبا نعيش لازم نصبر ع المر

هيه والله عسب نكمل مشوارنا لازم نستحملهم شويه
ونفتح صفحة يديده معاهم بس بعد الحياه حلوه

مهما كان ترا فيه مواقف حلوة بين الزوج وزوجته ولازم دائما نتذكر الإيجابيات ونبتعد عن سلبيات الزوج
والزوجة بأسلوبها وصبرها تقدر تغير من زوجها